பகிர்ந்து கொண்டவர்கள்!

புதன், ஜனவரி 19


ஒட்டிய அட்டை பூச்சிகள்


வெறுமனே எழுதி எழுதி எழுதுபவர்களும் வாசகர்களும் எரிச்சலடைந்து விரக்தியாவது தான் இங்கு நடந்துகொண்டுள்ளது. இருந்தாலும் வேறு வழி இல்லை நமக்கு. எந்த தேவாதி தேவர்களும் விண்ணில் இருந்து கீழே இறங்கி வந்து நம்மை காக்கபோவது இல்லை. இந்த நேரத்திலாவது நமக்குள் இருக்கும் ஜாதி மத மொழி வேற்றுமைகளை தள்ளிவைத்துவிட்டு ஏதாவது செய்தாக வேண்டும்.இனியும் புலம்பி பயனில்லை. இந்தியர்கள் என்றால் புலம்பி பின்னர் மறந்துவிடுவார்கள் என்று தீர்கமாக நம்பிகொண்டுள்ளனர் நம்மை ஆளுவதாக நினைக்கும் அரசியல் வாதிகள். யார் புண்ணியமோ இன்னமும் இந்தியாவின் உச்ச நீதி மன்றம் என்ற அமைப்பு மட்டுமே கொஞ்சம் நம்பிக்கை உள்ள நிலையில் நாம் செய்யவேண்டுவது விழிப்புணர்வு என்ற ஒன்றை பரவலாக்குவது மட்டுமே. தயவு செய்து இந்த வீடியோவை முடிந்த வரையிலும் பிறருக்கு காணுமாறு செய்யுங்கள். டுனிசியாவில் நிகழ்ந்த ஒரு மாற்றம் போல இந்தியா முழுமைக்கும் ஒரு மாற்றம் வர வேண்டும். இல்லையேல் இந்த கேவலமான அடிமை நிலை இன்னமும் பல தலைமுறைகள் நம்மை தொடரும்.


வெளிநாட்டு வங்கிகளில் உள்ள இந்திய கருப்பு பணத்தின் உரிமையாளர்களின் பட்டியலை ஏன் இன்னமும் வெளியிட வில்லை என உச்ச நீதி மன்றம் மொத்துகிறது. ஆனால் மண் மோகன் சிங்க் அரசசோ தாங்கள் கோர்டிடம் மொத்தே வாங்காதது போல நடிகின்றனர். அவைகளை வெளியிட்டால் இரு நாடுகளுக்குள் வீண் பகை வந்துவிடுமாம்.எல்லாம் உலக மகா டுபாகூர் கூட்டமடா சாமீ ........................!!! 







செவ்வாய், ஜனவரி 18

சுவிஸ் திருட்டு கணக்குகள் எல்லாம் இனி சந்திக்குவருமாம் - விக்கிலீக்ஸ்




புலி வருது புலி வருது ...என்று இறுதியில் புலி மட்டும் இல்லை,பேய் , பூதம், பிசாசு, காட்டேரி என அத்தனையும் வெளிவரும்போல உள்ளது. எதிர் வரும் தேர்தலுக்கு முன்பாக இவைகள் வெளிவரவேண்டும். இந்திய உச்சநீதிமம்ன்றமும் இந்தியர்களின் சுவிஸ் வங்கி திருட்டு கணக்குகளின் பட்டியல் கிடைத்தும் ஏன் இன்னமும் நடவடிக்கை எடுக்கப்பட வில்லை என பல முறை இந்திய அரசை கேட்டு கேட்டு சலிப்படந்ததுதான் மிச்சம்.

விக்கிலீக்ஸ் இவர்கள் அனைவரின் பெயர்களையும் வெளியிட்டால் அத்தனை பேரும் ஆப்பு பிடுங்கின குரங்குகளாக மாட்டிக்கொள்ள வேண்டும். ஆனால் நம் நாட்டில் அப்படி ஒன்றும் பெரிய மாற்றம் வந்துவிடாது என்று நம்புவோமாக. ஏனெனில் இந்த பெயர்பட்டியலில் அத்தனை அரசியல் கட்சிகளின் கயவர்களும் மொள்ளமாரிகளும் தான் இடம்பெற உள்ளனர். ஏதோ இங்கொன்று அங்கொன்று என்றால் பரவாயில்லை. இருக்கும் அத்தனையு பேரும் அப்படித்தான் என்றால் இவர்களை அப்புறப்படுத்திவிட்டு வேறு யாரை நாம் மட்டும் கொண்டுவந்து வைத்துவிடுவோம்??

லண்டன், ஜன.17-
சுவிஸ் வங்கியில் ரகசியமாக முதலீடு செய்திருப்பவர்களின் விவரங்களை விரைவில் விக்கிலீக்ஸ் இணையதளம் வெளியிடவுள்ளது.ஜூலியஸ் பேயர் என்னும் பிரபலமான சுவிஸ் வங்கியின் முன்னாள் அதிகாரி ருடால்ஃப் எல்மர், அமெரிக்கா, பிரிட்டன் மற்றும் ஆசியாவைச் சேர்ந்த அரசியல்வாதிகள், தொழில் அதிபர்கள் உள்ளிட்ட பிரபல நபர்கள் வைத்திருக்கும் ரகசிய முதலீட்டு விவரங்கள் அடங்கிய குறுந்தகட்டை (சி.டி.) விக்கிலீக்ஸ் இணையதளத்தின் நிறுவனர் ஜுலியன் அசான்ஜேயிடம் வழங்கியுள்ளார்.

லண்டனில் உள்ள "ஃபிரன்ட்லைன் கிளப்"பில் இன்று நடைபெற்ற நிகழ்ச்சியில் ஜுலியன் அசான்ஜேயிடம் சுவிஸ் வங்கியின் முன்னாள் அதிகாரி ருடால்ஃப் எல்மர் அந்த குறுந்தகட்டை ஒப்படைத்தார்.
இதையடுத்து, ருடால்ஃப் எல்மருக்கு விக்கிலீக்ஸ் நிறுவனர் அசான்ஜே தனது பாராட்டை தெரிவித்தார். "இதன் மூலம் நிதி உலகின் நிழல் நடவடிக்கைகளை ஒழித்துக்கட்ட முடியும்" என்று அசான்ஜே குறிப்பிட்டார்.
சி.டி.,யில் உள்ள தகவல்கள் ஆராயப்பட்டு விக்கிலீக்ஸ் இணையதளத்தில் முழுமையாக வெளியிடப்படும் என்றும் அவர் கூறினார்.

அமெரிக்கத் தூதரகங்களின் ரகசிய அறிக்கைகளை வெளியிட்டு வந்த விக்கிலீக்ஸ் இணையதளம், தற்போது சுவிஸ் வங்கி கணக்கு விவரங்களை வெளியிடுவோம் என்று அறிவித்துள்ளது பெரும் பரபரப்பை ஏற்படுத்தியுள்ளது.

வெறும் அரசியல் வாதிகள் , ஆட்சியாளர்கள், அரசு அதிகாரிகள் மந்திரிகள் அன்றி, தொழில் முனைவோர்களும், சினிமா காரர்களும் மற்றும் கிரிகெட் வீரர்களும்தான் அதிக அளவில் சுவிஸ் வங்கிகளில் திருட்டு கணக்குகளை வைத்துள்ளனர் என்ற விபரங்களும் வர தொடங்கிவிட்டன.

தினமணியில் வந்துள்ள ஒரு வாசகர் கடிதம்:

// ராஜிவ்காந்தி கொல்லப்பட்ட பொது உடன் இருந்த திண்டிவனம் ராமமூர்த்திக்குகூட சுவிஸ் வங்கியில் அக்கேளண்ட் இருந்தது.இது ஒரு இலங்கைத் தமிழர் மூலமாக கையாளப்பட்டது.தயாநிதி மாறனுக்கும்,கவிஞ்சர் வைரமுத்துவுக்கும் இவ்வாறே இலங்கைத்தமிழர் மூலமாக சுவிஸ் வங்கியில் வைப்புகள் உள்ளன!.கடந்த ஒருவாரமாக இந்தப் பணங்களையும்,ஸ்பெக்ட்ரம் பணங்களையும்? 32 சுவிஸ் இலங்கைத்தமிழர் மூலமாக பைனான்ஸ் செய்துவந்த நிறுவனங்களை சுவிஸ் அரசாங்கம் சீல் வைத்து உரிமையாளர்களை கைது செய்துள்ளது.மக்கள் விழிப்புடன் இருந்து வைரமுத்துவையும்,தயாநிதி மாறனையும் தப்பவிடாமல் கண்காணிக்கவும் //
  
By மோகன் 

அதுசரி இவர்களை எல்லாம் யார் கண்காணிப்பார்கள்? சி.பி. ஐ.? சிரிப்புத்தான் வருகிறது.



கீழ் கண்ட இந்த பதிவின் இணைப்பில் சென்று வாசிக்கவும்.


http://sangkavi.blogspot.com/2011/01/blog-post_17.html

ஞாயிறு, ஜனவரி 16

எம்.ஜி.ஆர். மேல் ஐஸ் கட்டியை போட்டவர்!




எம்.ஜி.ஆர். மேல் ஐஸ் கட்டியை போட்டவர்! வேறு யார் போடுவார்? 
நல்ல வேலை இவர்கள் நடித்த காலங்களில் செல் போன் / மொபைல் போன்றவைகள் இல்லை. இருந்திருந்தால் அவைகள் இவரின் காதில் தொங்கும் அணிகலன்களாகி இருக்கும்! 
தெய்வத்தாய்




எஸ். .பி. பாலாவும் நம்ம இசைஞானியும் இணைந்து தந்த ஒரு இனிய பாடல். இந்தபாடலில் ஒரு டெம்ப்போ கடைசிவரை இருக்கும். ஓட்டமும் நடையுமான ஒரு தாளக்கட்டு இதற்கு முன்பு அபூர்வ ராகங்கள் - ஒரு துணை காரெக்டர், அடுத்து, மூன்று முடிச்சு - எல்லோரும் வியந்த ஒரு வில்லன். மூன்றாவதாக இது, புவனா ஒரு கேள்வி குறி. இதுதான் ரஜினியின் முதல் டுயட் பாட்டு.
புவனா ஒரு கேள்விகுறி

 


இதுவும் அதே போன்ற ஒரு ரிதமிக்கான தாளக்கட்டுடன் தொடரும் இசைஞானியின் பாடல். ரஜினியின் சூப்பர் ஹிட் பாடல்களில் இதுவும் ஒன்று. 
ராஜாதி ராஜா.




"செண்டிருக்கும் அதில் வண்டிருக்கும் அதை கண்டிருக்கும் கண்கள் வந்திருக்கும்......." சிவாஜியின் காரோட்டும் ஸ்டைல் எவரையும் அசத்தும்,
ஆலய மணி. 









வியாழன், ஜனவரி 13

வாழைப்பழ கொடாப்பு !


மார்கழி மாதம் பிறக்கும் போதே ஒரு இதமான மகிழ்ச்சி படரும் வீட்டிலும் ஊரிலும். விடியலில் கோவில்களில் பாடும் திருப்பாவை, திருவெம்பாவை, திருப்பள்ளி எழுச்சி தினமும் கேட்டு எழுந்து அரையாண்டு தேர்வுக்கு பாயில் உட்கார்தவாறே போர்வையை போர்த்திக்கொண்டு படிப்பது முதல் தேர்வுகள் முடிந்து விடுமுறை வந்து மாலையில் பள்ளி விளையாட்டு திடலில் வாலிபால் ஆடிவிட்டு வீட்டுக்கு வந்து மாலையில் போட்டு ஆறிப்போன காபி குடித்து விட்டு ,நாட்கள் நகர்ந்து ஆங்கில புத்தாண்டு முடிந்து பொங்கல் அறிகுறிகள் தலைதூக்கும். எல்லோர் வீடு வாசலும் பெரிய அளவில் கூட்டி சுத்தம் செய்து சாணம் தெளித்து அகல அகலமாக வாசல் அடைத்து கோலம் சாணத்தில் உருண்டை வைத்து அதில் பரங்கி, பூசணி பூக்கள். தெருவும் ஊருமே பொங்கலுக்கு தயாராகி விடும்.அடுத்தநாள் விடியலில் மாடத்தில் கை விளக்கு ஏற்றி வைத்துவிட்டு குளிருக்கு தலையில் துண்டு ஒன்ற மடித்து க்கட்டிகொண்டு கோலமிடும் அம்மாவை காண வாசல் வந்தால் திண்ணையின் கீழே ஒரு வண்டி ஆற்று களி மண்ணும், ஒரு வண்டி ஆற்று மணலும் கொட்டியிருக்கும்.

மாலையில் பள்ளியிலிருந்த வந்த அப்பா மண் வெட்டியால் வட்ட பாத்தி போல கட்டி அதில் களி மண்ணையும் மணலையும் தண்ணீரும் அளவுடன் கலந்து குழைத்து மிதித்து மீண்டும் அதனை கொத்தி விட்டு பக்குவப்படுத்தி வைப்பார்கள்.இரண்டு நாட்கள் இதே வேலை தொடரும் பின்னர் பழைய மண் தரைகள் சுரண்டி எடுக்கப்பட்டு அதன் மீது அப்பவே அழகாக களி மண் சாந்தை பூசி மேருகிடுவார். நாங்கள் உடன் இருப்போம் உதவிக்கு. வீட்டில் வேறு வேறு அளவுகளை கரணைகள் இருக்கும். மட்டபலகை. தேய்ப்பான் , இரும்பில் மண் சாந்து சட்டி என எல்லாமே இருக்கும். பூசிய தரயில் பாலீஷ் பண்ண கை அடக்கமான கருங்கல் போட்டு தேய்த்து தேய்த்து மண் தரை மெருகு ஏறும்.
போன வருடம் பொங்கல் கழிந்து சாணமிட்டு மெழுகி வைத்த பொங்கல் அடுப்பு கட்டிகள் மேலிருந்து கீழே இறங்கும். ஒரே அளவில் மொத்தம் ஐந்து கட்டிகள். இவற்றுடன் பிள்ளையார் பிடித்து வைக்கவென்று மூன்று படிகள் போல அமைந்த பிள்ளையார் மேடை எல்லாம் புதிய களிமண் சாந்து பூசிக்கொண்டு வெய்யிலில் காயும். 

கும்பகோணத்திலிருந்து அப்பா இரவு சைக்கிளில் பெரிய பைகளுடன் வருவார்கள். சாப்பாடு முடிந்தபின்னர் அடுப்பில் செம்பு தவலையில் அம்மா வெந்நீர் இட,அதற்குள் அறையில் இருக்கும் காது வைத்த பித்தளை அண்டவை முற்றத்தின் ஒரு மூலையில் இரும்பு வட்டத்தின் மீது ஆடாமல் வைத்து அதனுள் வாங்கி வந்த சுண்ணாம்பு கிளிஞ்சைகளை கொட்டுவார்.வேடிக்கை பார்க்கும் எங்களை தள்ளி நிற்க சொல்லிக்கொண்டே அம்மா கொண்டுவரும் கொதித்த நீரை அண்டாவில் உள்ள சுண்ணாம்பு கிளிஞ்சல்களில் மீது சட சட வென விரைந்து ஊற்றிக்கொண்டே எங்களை தள்ளிபோய் நிற்கும்படி ஆணை வரும்.

கொதிக்கும் நீரை உள்வாங்கி மௌனமாய் இருக்கும் கிளிஞ்சல்கள் நீரில் கொப்பளங்களை ஒன்று ஒன்றாக வெளிவிட்டு திடீரென்று சடவென கொதித்தி ஆத்திரத்துடன் ஆவியை வெளியில் பரப்பும். புதிய சுண்ணாம்பின் கார மனம் காற்றில் பரவ அப்பா எங்கள் மேலும் தூரம் விரட்டுவார். இவையெல்லாம் சில நிமிடங்கள்தான். கொதித்து அடங்கும் சுண்ணாம்பு அண்டாமீது ஒரு தாம்பாளம் வைத்து மூடிவிட்டு படுக்கசெல்லுவோம்.
அடுத்தநாள் காலையில் ஒரு சிறிய கை குட்டை அளவு வெள்ளைத்துணியில் குருவி நீலம் பவுடர் பாக்கெட்டை பிரித்து நீல பொடியை தேவையான அளவு கொட்டி அதை முடிச்சிட்டு குளிர்ந்து தெளிந்து இருக்கும் சுண்ணாம்பு நீரில் கரைக்க மங்கிய வெள்ளை நிறம் மாயமாகி அழகிய நீல வெள்ளை மலருவதை பார்க்க வியப்பாக இருக்கும்.கையில் ஆளுக்கு ஒரு பித்தளை அல்லது இரும்பு வாலி, அதனுள் தேவையான அளவு சுண்ணாம்பு, கத்தாழை நாரில் அல்லது தேங்காய் மட்டையில் செய்த பிரஷ். சுவர்கள் மெல்ல மெல்ல பளிச்சென நீல வெண்மை கொள்ளும்.கீழ் பகுதி பார்டருக்கு ஆரஞ்சு மஞ்சள் வண்ணம் அப்பா அடிப்பார்.

வீட்டுக்கொல்லையில் எப்படியும் மூன்ற நான்கு வாழை மரங்கள் குலைதள்ளி தயாராக இருக்கும்.பூவன்,பேயன் என வெரைட்டிகள்.வாழைத்தாரை சீப்புகளாக்கி பால் வடிய விட்டு மாலையில் கொள்ளையில் நாரத்தை மரத்தின் அருகில் தோண்டியுள்ளசுமார் மூன்று அடி ஆழ  குழியில் முதலில் வாழை சருகளை இட்டு அதில் சீப்புகளை அடுக்குவார்.அணைத்து சீப்புக்களும் உள்ளே அடைந்த பின் மேலும் சருகுகளால் சுற்றி மூடி,களிமண் போட்டு மேல் பக்கம் பூசிவிடுவார். மையத்தில் சிறிது இடமிருக்கும் ஓர் மண் கலயத்தில் அடிபகுதியில் சிறிய துளை இருக்கும். கலயத்தின் வாய் வழியாக உலர்ந்த தேங்காய் நார்களை நிறைய திணித்து தர கலயத்தின் அகன்ற வாய் குழியின் சருகளின் மீது இருக்க,கழுத்துப்பகுதிகளில்மண் பூசி " கொடாப்பு " தயாராகும்.


இன்னும் இருக்கே! காய் பழுக்க வேணாமா?
மேலே தெரியும் கலயத்தின் சிறிய துளையில் நெருப்புகட்டியை வைத்து தேங்காய் நாரின் உள்ளே வைத்து பூஸ்... பூஸ்.... பூஸ்....  என்று வாய் வலிக்கும் வரை காற்றை ஊதவேண்டும். இதில் பிள்ளைகள் நாங்கள் மாறி மாறி ஊதித்தள்ளிவிடுவோம்.மூன்று நாட்கள் காலையும் மாலையும்நெருப்பு வைத்து ஊதுவது தினமும் நடக்கும்.அதாவது போகி அன்று காலையில் கொடாப்பு பிரிக்கப்படும். கலயத்தை சருகுகளை அகற்ற மஞ்சள் நிற வாழை பழ சீப்புகள் புகை மனதுடன் வெளியில் வரும்.அவைகள் அடுத்த நாள் தான் முற்றிலும் கனிந்திருக்கும் என்பதால் வாசல் முற்றத்தில் உள்ள கொடி கம்பிகளில் தொங்கவிடப்படும்.சாம்பல் பூத்த பசுமையான பேயன் பழம் தான் கனிந்த பின் தேனாய் இனிக்கும். ஆயிற்று, கடைத்தெருவிலிருந்து கரும்பு கட்டு யாராவது திணையில் கொண்டுவந்து போடும் சப்தம் வரும்.பின்னால் அப்பாவும் யாரவது நண்பர்கள் வர அவர்களுக்கு கரும்பும் வாழை சீப்பும் கிடைக்கும். பொங்கல் இட புது மண் பானைகள் சட்டிகள்,வெண்பொங்கல் இட பெரிய அளவில் இருக்கும் பானை. சர்க்கரை பொங்கலுக்கு என சற்று சிறிய பானை என்றுதான் எல்லார் வீடுகளிலும் வாங்குவார்கள். மடக்குகள் மற்றும் கொட்டாங்கச்சியில் செய்த நீண்ட கைப்பிடி கொண்ட அகப்பைகள் எல்லாம் தெருவில் வரும். 


போகி அன்று வீட்டை சுத்தம் செய்யும் வேலை பெண்டு கழட்டும்.வீடு முழக்க பளிச்சென்று ஒருவித மண் மனதுடன், புதிய சுண்ணாம்ம்பு மனத்துடம் டியுப் லைட் ஒளியில் ஜொலிக்கும். பொங்கலன்று காலையில் அடுப்பு கட்டிகள் மீண்டும் சான மெழுகு பெற்று வெய்யிலில் காயும். காய்த்தும் அதன் மீது அம்மா இடும் மாக்கோலம்.முற்றத்தில் நீள் சதுர அளவில் மணலை கொட்டி அதன் மீது நெல் உமி அல்லது தவிடு பரப்புவார்கள். பொங்கல் அடுப்பு கட்டிகள் அதன் மீது திட்டமாக் இரண்டு அடுப்புகள் வருமாறு வைக்கப்படும்.பிள்ளையார் மேடையில் மாக்கோலம் இட்டு மஞ்சள் சிறிய அல்லது வெற்றிலை மீது புதிய பசும் சாணத்தில் இரண்டு "பிள்ளையார் " உருட்டி வைத்து தலையில் அருகம் புல் சொருகி,பொட்டும் சாமந்தியும் பூவும் வைத்து பக்கத்தில் ஒன்றாக இரண்டுகுத்து விளக்கும் ஏற்றி வைத்தால் பொங்கல் இட ரெடி. இதற்குள் வீடு முழுதும் மாக்கோலம் வரைந்து,தேங்காய்கள் பறிக்கும் போதே ஞாபகமாய் வெட்டி எடுக்கசொன்ன குருத்தோலைகளை செயபட்ட கூந்தல் அடுக்குகளை முற்றத்தின் விளிம்பு சுற்றி கட்டிய கயற்றில் வரிசையாக புனைந்து, இடையில் மாவிலை கொத்துக்கள் இணைத்து கட்டி,கரும்பு கழிகள்,மஞ்சள் கொத்து, இஞ்சி கொத்து என நீரில் அலசி விளக்குகளின் பின்னே வைக்கப்படும். வீட்டில் டிசம்பர் பூ, நந்தியாவட்டை, செம்பருத்தி என கிடைத்தாலும் அம்மா வாங்குவது சாமந்திபூ மற்றும் கூடவே மருகொழுந்தும்,கதிர்பச்சையும் தான்.ஆஹா...... இந்த கதிர் பச்சை இருக்கே அதற்கென்று அந்த ஆளை மயக்கும் மனம் எப்படித்தான் வந்ததோ!.முற்றத்தில் தட்டில் வைத்தால் போதும் வீடே மனக்கும்.கூடவே புது மஞ்சள் இஞ்சி மனம் கலந்து பொங்கல் என்றாலே அதற்கென்று அடையாளமாக இந்த மனம் தான்நினைவுக்கு வரும் இன்றும்.ரேடியோவில் சொல்லிவைத்தார்போல பொங்கல் பாடல்கள் ஒலித்துக்கொண்டிருக்கும்.இடையில் போஸ்ட் மென் கொண்டுவந்த பொங்கல் வாழ்த்துகளை விரித்து வரிசையாக நூலில் மாட்டப்படும்.

பொங்கல் அடுப்புக்கு பெரும்பாலும் தென்னை மட்டைகள்தான்,ஓலைகள்,வரட்டிகள். மரக்கட்டைகள் பயன்படுத்தினால் புது மண் பானைகள் டேமேஜ் ஆகக்கூடாது அல்லவா? மண் பானைகள் சட்டிகள் நீரில் அலசப்பட்டு தயாராகும். கையில் திரு நீரை குழைத்து பானைகளின் மேல விரல்களால் மூன்று பட்டைகளை இட, அது 'சொய்ங்' என்ற நேரத்தில் காய்த்து வெள்ளை கோடுகள் ஒளி விடும்.மஞ்சள் இஞ்சி கொத்துக்களை இரண்டாக பிரித்து பனைகளில் கழுத்தில் கட்டி, திரு நீற்று கோடுகளின் மீது போட்டும் வைத்தால் போதும் இந்த பொங்கல் பானைகள் ஏதோ புது மண பெண்கள் போல அழகாகவே இருக்கும்.

ஆயிற்று, பானைகளை அடுப்பில் ஏற்றி வைத்து,பாலை ஊற்றி, அதனுடன் பச்சை அரிசி கலைந்த நீரையும் ஊற்றிவிட அடுப்பில் எரிபொருட்களை வைத்து விட்டு பிள்ளையார் விளக்கில் சூடம் கொளுத்தி சுற்றிவிட்டு மேலே வரும் சூரியனுக்கும் காட்டி விட்டு இரண்டு அடுப்புகளும் பற்றவைகப்படும்.ஆளுக்கு ஒரு அடுப்பு என கவனித்துக்கொள்ளவேண்டும்.வெண்பொங்கல் பானைதான் முதலில் பொங்க வேண்டுமாம்.அதுவும் வடக்கு திசையில் பொங்கி வழிகிறதா என்ற எதிபார்ப்பு. இதற்க்கு தோதாக அடுப்பின் வடக்கு பக்கம் தான் தீ அதிகம் இருக்குமாறு கவனிதுக்கொள்வர். பால் பொங்கி வரும்போது பூஜை மணியோ இல்லை பித்தளை தாம்பாளத்தில் சுத்தியலை வைத்து தட்டிக்கொண்டே பொங்கலோ பொங்கல் என்று எல்லோரும் முழங்க வேடிக்கைதான். வடக்கு பக்கம் வழிந்து விட்டால் அம்மாவின் முகத்தில் மலர்ச்சி தெரியும்.களைத்து வைத்துள்ள அரிசி மணிகளை பானைகளில் இட்டு வெண் பொங்கலுக்கு பயத்தம் பருப்பு மட்டும் அரிசியுடன் உடன் சேரும். சர்க்கரை பொங்கல் அரிசியுடன் கடலை பருப்பும் பயத்தம் பருப்பும் சேரும்.அச்சு வெல்லம் நிறைய வாங்கி இருக்கும். பேப்பரில் வெல்லத்தை கொட்டி அவைகளை உடைத்து தயாராகும். முத்திரி, திராட்சை சுத்தம் செய்யப்பட்டு இருக்கும்,ஏலக்காய் பொடித்து தயாராகும்.

பொங்கல் காய்கறிகள் பற்றி எழுத தனியே ஒரு பதிவே போடலாம்.கொல்லை தரையில் படர்ந்து பனியில் நனைந்தஇலைகளுக்கு அடியில் ஒளிந்துகொண்டு கிடக்கும் பரங்கி காய்கள் மற்றும்பிஞ்சுகளை தேடி தேடி கண்டுபிடித்து கொண்டு வருவேன். பூசணி, வாழைக்காய்,சிவப்பு அவரை, பச்சை அவரை,மொச்சை கொட்டை,தக்காளி காய், பீன்ஸ்,உருளை,வெள்ளை முள்ளங்கி,சிவப்பு முள்ளம்கி,அகத்திக்கீரை,நெல்லிக்காய்,
கத்தரிக்காய்,சிறுகிழங்கு,கருனைகிழங்கு,சேப்பங்கிழங்கு,சேனைகிழங்கு,சர்க்கரை வள்ளிகிழங்கு என பெரிய பட்டியலே வரும்.

பொங்கி முடிந்ததும் பொங்கல் பானைகள் பிள்ளையார் அருகில் இட வலமாக வைத்துள்ள ஈரக்களிமண் வட்டத்தில் தூக்கி வைக்கப்படும். பெரிய மண் சட்டியில் மீதம் இருக்கும் கழனீரை வைத்து கொதிக்க வைக்க , வாசல் கறி வேலைகள் ஆரம்பம்.கதிர்பச்சை வாசம் போல எனக்கு பொங்கலை நினைவூட்டுவது இந்த நாளில் மட்டுமே செய்யப்படும் வாசல் கறி. வீற்று முற்றத்தின் வாசலில் செய்யப்படுவதால் அது வாசல் கறியாம். மேலே சொன்ன அத்தனை காய்கறிகளும் இதனுள் அடைக்கலம் ஆகிவிடும்.

சிறிது அரிசி, கொத்துமல்லி விதை,துவரம் பருப்பு, கடலை பருப்பு ,மிளகாய் வற்றல் மிளகு,சீரகம்,மஞ்சள் என்று போட்டு வாணலியில் வறுத்து அம்மியில் கரகரப்பாக பொடித்து தயாராகிவிடும்.எல்லா காய்கறிகளும் ஒன்றாக வேக வைத்து, அதனுடன் இந்த 'பொருமா' பொடியை தாராளாமாக தூவி கொதிக்கவைத்து கடுகு, கறிவேப்பிலை தாளித்துகொட்டி,கொத்துமல்லி தழைகளை நறுக்கி இட்டால் போதும் வாசல் கறி தயார்.இந்நேரம் போகும் போதும் வரும் போதும் தொங்கும் வாழை பழங்களை பிய்த்து தின்றாலும் வாசல்கறியின் மனம் மூக்கில் பட வயிற்றில் பசி ஆரம்பித்துவிடும். இதற்கு மேலே எழுத இன்னமும் உள்ளது. இப்போது இது போதும். 


சரி, பொறுமையுடன் படித்த மக்காள்ஸ் அனைவருக்கும் 

இனிய பொங்கல் வாழ்த்துக்கள். 

வாழ்க வளமுடன்! 


புதன், ஜனவரி 12

எல்லாரும் வந்து எடுத்துக்குங்க !


நமது பல்கலைகழகங்களின் கேவலமான நிலை இது.டாக்டர் பட்டம் என்பது பான் பராக், பீடி, சிகரெட் வாங்குவதுபோல !

 வலைப்பூவில் உள்ள அத்தனை பேருக்கும், சக பதிவர்களுக்கும், வாசகர்களுக்கும், இலவச கெளரவ டாக்டர் பட்டம் இந்த பதிவின் மூலமாக வழங்கப்படுகிறது.




அன்பர்கள் அனைவரும் இந்த மதிப்பு மிக்க பெருமையான கெளரவ டாக்டர் பட்டதை ஏற்றுக்கொண்டு அவரவர் வலைப்பக்கங்களில் வைத்து அழகு காட்டுமாறு வேண்டப்படுகிறார்கள்.தனித்தனியாக ஒவ்வொருவரின் பெயரையும் போட்டு / அழைத்து அவர்கள் கைகளில் தருவது நடைமுறையில் கடினம் என்பதால் இந்த மேன்மை மிகு பட்டத்தை பொதுவில் வைத்து அனைவரையும் பெற்றுக்கொள்ள அழைக்கிறோம்.


டாக்டர் . ஞானமுத்து 

// யார் யாருக்கோ கொடுக்கிறாங்க நாமும் டாக்டர்.ஞானமுத்துன்னு போட்டுக்கிட வேண்டியதான்.//

இந்த இணைப்பில் சென்று இவரின் பதிவினை முதலில் படித்து வாருங்கள்! 



இந்த நண்பரின்  வலைத்தளம் சென்று பாருங்க. எனக்கு இந்த ஆசை வந்தே இவரின் வலைப்பதிவை படித்தபின்புதான். அதுவரை எனக்கு டாக்டர் பட்டம் வாங்கும் எண்ணமில்லை. இப்போது நானும் போட்டுகொண்டு மற்றவர்களுக்கும் தரலாமென்ற என் பரந்த மனதை புரிந்து கொள்ளுங்க.


முன்னமே டாக்டர் பட்டம் பெற்ற நம் பதிவர்கள் இந்த பட்டத்தையும் இணைத்து டபுள் டாக்டர் என போட்டுக்கொள்ள தடை இல்லை.


காசா ?  பணமா?? அட ...பிகு பண்ணாம கொண்டுபோங்க மக்கா! 

Dr. கக்கு - மாணிக்கம்.




செவ்வாய், ஜனவரி 11

ஆண்டிகள் மடம்

PM-led meeting on price rise ends inconclusively 

இந்திய அரசின் மத்திய வேளாண் அமைச்சறு திருவாளர் ஷரத்து பவாரு, பொருளாதார/நிதி அமைச்சறு திருவாளர் பிரனாப்பு முகர்சி , உள்ளுதுரை அமைச்சறு சிதம்பரம், அப்புறம் கேபினட்டு செகரடரியாம் ..சந்திர சேகரு ,திட்டகமிஷன் துணைதலீவராம் மொன்டகு சிங்கு அலுவாலியா (எங்கேயிருந்துதான் பேருவெச்சிப்பான்களோ ) அப்புறம்....கவுச்சிக்கு பாசு -சீப் எகனாமிக் அட்வைசர் ..யாருக்கு - நிதி அமைச்சரகம் இவங்க எல்லாம் நம்ம இந்திய நாட்டு பிரதமர் , பொளாதார மேதை மண்ணு மோகன சிங்கு தலைமைல கூட்டம் போட்டிருக்காங்க. கூட்டம் ..தப்பு தப்பு .. அது கலந்து ஆலோசனை . எதை பத்தியாம்? நாட்ல விலைவாசி நொம்ப நொம்ப கூடிப்போச்சாம்.சனங்க எல்லாம் துன்ன சோறு இல்லாம, குடிக்க தண்ணி இல்லாம ,இருக்க எடம் இல்லாம சந்தியில நிக்கிறாங்களாம். சனங்க படுற கஷ்டத்த எப்படி ,அத என்ன பண்ணி குறைகிரதுன்னு, வெல வாசிய கொறைச்சு கீழே கொண்டு வர்றதுன்னு கூடி பேசுனான்கலாம் .

என்ன ஆச்சாம்?

ஒன்னும் ஆவள,. ஒரு முடிவும் எடுக்காம கூட்டம் முடிஞ்சுதாம்.

வேளாண் அமைச்சறு திருவாளர் ஷரத்து பவாரு:
 // நா இந்த கூட்டத்துக்கு வந்ததே முழு வெற்றிதான். எனக்கு இனிமே I P L  மேட்சி வேல வேற ஆரம்பிச்சாசு லைவ்வா பாத்தாகணும். ஆளா விடங்க. //



உள்ளுதுரை அமைச்சறு சிதம்பரம்:
 // நடக்க இருக்கும் தமிழக சட்டமன்ற தேர்தலில் எங்கள் இளவல் கார்த்திக் சிதம்பரம் அவர்களை மற்றும் அவர்களின் தொண்டர்களை எப்படி வெற்றி பெற வைப்பது என்பதில் நான் ஆழ்ந்த சிந்தனையுடன் இருக்கின்றேன்//



 பொருளாதார/நிதி அமைச்சறு திருவாளர் பிரனாப்பு முகர்சி:
 // என்ன விடுங்கையா. எனக்கு கடுப்பு கடுப்பாதான் வருது. எத்தனை நாளைக்கு நா இந்த டம்மி பிரதமர் வேலையவேற சேத்தே பாக்குறது?//


திட்டகமிஷன் துணைதலீவரு மொன்டகு சிங்கு அலுவாலியா:
 //  உலக வங்கியின் கட்டளைகளை தாமதமின்றி நிறைவேற்றவேண்டும் என்று இந்த அமைப்பின் மூலம் கேட்டுக்கிறேன்// 

நாட்ல எந்த விஷயமும் இவர்களின் கட்டுப்பாட்டில் இல்ல.
 U.P.A. கவர்ன்மெண்டு எல்லா வகையிலேயும் சீரழஞ்சு சிரிப்பா சிரிச்சி நிக்குது. வாரா வாரம் ஒரு புது ஊழல் பட்டியல் .வகை வகையா வித விதமா ஊழல் - ஊர அடிச்சி (உலையில் இல்ல ) அந்நிய நாட்டு வங்கிகளில் போட தயக்கம் இல்ல.பணவீக்கம் மேலே மேலே அதிகமா போறதா பொருளாதாரம் படிச்ச பெரியவுங்க சொல்லிகிட்டே இருக்காங்க.

அதுசரி, இவங்க இத்தன பேரும் பேசி என்னாத்த கிழிக்க போறாங்க . பேசாம அந்த சோனியா அம்மாவாவது கொஞ்சம் தயவு பண்ணி இந்திய நாட்டு நாதாரி சனங்க இப்படி நாதி இல்லாம் போச்சேன்னு கொஞ்சம் கருண காட்டி ஏதாவது செஞ்சாதா வுண்டு.

மண் மோகன் சொல்லி இனிமே யாரும் அவுங்க கும்பல்ல கேக்க போறது இல்ல. பின்ன எதுக்கு இந்த பித்தலாட்டம்? ஆலோசனை, கூட்டம் ??

 நீங்க பேசாம ராஜினாமா பண்ணிட்டு போய்டுங்க மிஸ்டர் மண் மோகன் ஜீ. அதுதான் உங்க ஆரோக்கியத்துக்கும் நல்லது . இந்த நாட்டுக்கும் நல்லது.

நீங்க எங்கேயும் வெளிநாடு பயணம் போவீங்களே?... இப்ப போவலையா ஜீ...?



திங்கள், ஜனவரி 10

காப்பி அடித்தாலும் இவர்களைப்போல ஒழுங்கா காப்பி அடிக்கணும்!






அன்பே வா (1966) படம் எந்த காலத்திலும் எல்லா வயதினராலும் கண்டு களிக்கக்கூடிய ஒரு திரைப்பட விருந்து. காதல் ,காமெடி, சண்டைகள், ஆடல், பாடல் என்று சராசரி இந்திய திரைப்படங்களின் வார்ப்பில் உண்டான படம். ஆனால் இந்த படத்தை தமிழில் தயாரிக்க ஆதாரமாக இருந்தது கம் செப்டம்பர் Come September (1961) என்ற ஹாலிவுட் படம்தானாம்.இதில் நடித்த நடிகை ஜினா லோலா பிரிகிடா அந்நாளைய செக்ஸ் பாம்.  ஆங்கில படத்தில், அந்நாளில் பிரபலாமாக இருந்த Billy Vaughn இசையமைத்த இந்த இசை,உலகம் முழுவதும் பிரபலம். நாங்கள் அரை ட்ராயர் வயதில் உள்ளூரில் இருக்கும் டென்ட் கொட்டகையில் சினிமா பார்க்க சென்றால் இடைவேளை வரும் போது இரண்டு அல்லது மூன்று பாடல்களை போடுவார்கள். நாலாவதாக இந்த இசைதட்டை போட்டவுடன் அதுவரை வெளியில் நின்று பேசுபவர்கள், டீகடையில் டீ குடித்துவிட்டு, கடலை மிட்டாய் ,முறுக்கு , பீடி, சிகரெட் என்று வாங்குபவர்கள் எல்லாம் அரங்கினுள் ஓடுவார்கள்.அரங்கின் உள்ளே எறியும்விளக்குகள் அணைக்கப்பட்டு சிலைடு போடுவார்கள். பல விளம்பரங்கள் சிலைடு ஷோக்களில் வந்து போகும். அந்த வயதில் இருந்தே இந்த இசை அறிமுகம். பெர்லின் மெலடி என்ற இசையும் இதனுடன் பிரபலம்தான். அந்தநாட்களில் நம் இசையமைபாலர்களின் வீடுகளில் வெளிநாட்டு இசை தொகுப்பு ரிகார்டுகள் (இசைத்தட்டு) சேமிப்பில் நிறைய இருக்குமாம்! அப்போதே குமுதம் ,விகடனில் கிண்டலடிப்பார்கள்!!

Come September - Billy Vaughn.




BILLY VAUGHN - BERLIN MELODY 45RPM DOT 1962


பிற்காலத்தில் 1980 களில் சென்னை வந்த பின்னர் திரைப்படம்பார்க்க சென்றால் இடைவேளையின் போது இதே இசையினை கேட்டபோது எனக்கு ஊரின் ஞாபகங்கள் வந்ததுண்டு. என்ன காரணமோ அந்த நாட்களை எல்லா திரை அரங்குகளிலும் இடை வேலையின் போது இந்த ஒரு குறிப்பிட்ட இசையை ஒளிக்க இடுவது ஒருபொது விதியாக இருந்தது போலும். பின்னாளில் இவைகள் மாறிவிட்டன. சென்னை தேவி தியேட்டரில் அந்த நாட்களில் பிரபலமாக இருக்கும் பாப் இசை பாடல்களை போடுவார்கள். 

சரி , இந்த கம் செப்டம்பர் இசையினை தமிழில் காப்பி செய்த பாடல் ஒன்று உள்ளது தெரியுமா? ராமண்ணா தயாரித்து இயக்கி,ரவிச்சந்திரன்,ஜெயலலிதா,
நாகேஷ்,மனோரமா, முத்துராமன் என ஒரு கூட்டமே நடித்து சில்வர் ஜுப்லி கொண்டாடிய அந்தபடன் "நான்". இந்த படத்தின் கிளைமாக்ஸ் காட்சியில் வில்லன் மனோகரிடமிருந்து சொத்தின் உயில்கள் அடங்கிய அந்த பிரிப் கேசினை கைப்பற்றும் நோக்கத்துடன் ஜெயலிதா ஆடி பாடும் காட்சியில் இந்த பாடல் உள்ளது. எல்.ஆர். ஈஸ்வரி பாடி, இசை அமைத்தவர் டி.கே. ராம மூர்த்தி. ஆமாம். விஸ்வநாதன், ராம மூர்த்தி இணை கலைக்கோவில் படம் பண்ணிய பிறகு பிரிந்தனர்.அதன் பின்னர் அவர்கள் தனித்தனியாக படங்களில் இசை அமைக்க ஆரம்பித்தனர். 

பாடலின் இறுதியில் ஜெயலலிதா எத்தனை லாவகமாக அந்த பிரிப் கேசினை பிடுங்கி தண்ணீரில் எறிகிறார்?! :)) 

வந்தால் என்னோடு இங்கே வா தென்றலே ........



பதிவை முடிக்கலாம் என்றால் இன்னுமொரு வியப்பான செய்தி ஒன்று வந்து முன்னே விழுகிறது. பிரபல பாப் குழுவான ABBA வின் ஆல்பங்களில் Dancing Queen என்ற ஒரு பாடல் அந்நாளில்(1976) இருந்தே உலக பிரசித்தம். அவர்களின் சொந்த நாடான ஸ்வீடனில் அந்நாட்டு இளவரசியின் திருமண வைபவத்தில் முதல் நாள் மாலையில் நடந்த இசை நிகழ்ச்சியில் இந்த பாடலை முதலில் பாடி புகழ் பெற்றார்கள். உண்மையில் இந்த பாடலின் மெட்டும் Billy Vaughn  அவருடையஆல்பத்தில் அதே தலைப்பில் இருந்துதான் கையாண்டுள்ளனர் என்று இப்போதுதான் புரிகிறது.அந்த  அரச குடும்ப நிகழ்ச்சிக்காக ஸ்பெஷலாக தயாரிக்கப்பட்ட பாடல் இது. பாடலின் இறுதியில் ஒரு 'சப்பை ' பிகரை காட்டுவார்கள் அதுதான் அந்த இளவரசியாம் பாருங்கள். 
Dancing Queen By Billy Vaughn orchestra

Dancing Queen Royal Swedish Opera by ABBA World Hit Song 



கம் செப்டம்பர் நாயகி ஜினா லோலா பிரிகிடா இவர் ஒரு இட்டாலி நாட்டுக்காரர். ஹாலிவுட் படங்களில் நடித்தார்.கம் செப்டம்பர் தயாரிப்பில் இருந்தபோது அதில் நாயகியாக நடிக்க அந்நாளைய செக்ஸ் சிம்பல் மர்லின் மன்றோதான் தேர்வு செயபடுவார் என்ற வதந்தியை மீறி அதில் ஜினா நடிக்கவைக்கப்பட்டார். சென்ற என்பதுகளில் புது டெல்லியில் நடைபெற்ற உலக திரைப்பட விழாவில் சிறப்பு விருந்தினராக கலந்து கொண்டார்.

 // இந்திய ஆண்கள் என்னை கவர்கின்றனர் அவர்கள் அழகானவர்கள், இங்கிருந்து போகும்போது நான் ஜோடியாக போவேனோ என்ற சந்தேகம் எனக்கே உள்ளது //

 என்று பேட்டி அளித்து பரபரப்பை ஏற்படுத்தி, இந்திய பெண்களின் வயிற்று எரிச்சலை கொட்டிகொண்டார் இந்த அம்மணி!
வழியாதீர்கள்!அப்போதே இந்த அம்மா பாட்டிதான் !!






வெள்ளி, ஜனவரி 7

'சடைத்தனமாக' விண்டோஸ் மீடியா பிளேயர் இனி இல்லை!

உ ங்கள் எல்லோருக்கும் தெரிந்த ஒன்றுதான். விண்டோஸ் இயங்குதளத்தில் கூடவே வரும் மீடியா பிளேயர் பயன் படுத்த எவரும் தயங்குவர். அது கொஞ்சம் 'சடைத்தனமாக ' டிசைன் செய்யப்பட்டு 1947 இல் வெளிவந்த தமிழ் படம் பார்க்கும் ஒரு உணர்வைத்தரும். அதனால்தான் அனைவரும் நெட்டில் கிடைக்கும் வித விதமான மீடியா பிளேயர்களை டவுன் லோட் செய்து பயன்படுத்துவோம்.

இப்போது விண்டோஸ் மீடியா ப்ளேயரும் பிற பிளேயர்களில் காணப்படும் அணைத்து வசதிகளுடனும் வேறுபட்ட ஸ்கின் தொகுப்புடனும் கிடைகிறது.  விண்டோஸ் 7 அமைப்பில் இவைகள் சிறப்பாக இயங்குகின்றன. பிற X P ,விஸ்டா போன்ற தொகுப்பிலும் இவைகள் இயங்கும் என்றே நம்புகிறேன்

ஹெல்மெட் போன்ற நவீன தோற்றம் கொண்ட ஸ்கின் ஒன்றை நான் தரவிறக்கம் செய்து வைத்துள்ளேன் .அதனுடன் கூடவே ஒலி அமைப்புகளை வேண்டிய வகைகளில் மாற்றிக்கொள்ள EQUALIZER  கூடவே வருகிறது.
SRS WOW effects, Large speakers, Headphones, Trubase & WOW effects என வித வித மான வசதிகள் உள்ளன. ஹெட் போனில் பொருத்திக்கொண்டு இசையை அனுபவுக்கும் போது இந்த வேறு பட்ட வசதிகளின் திறம் பிரமாதமாக உணரமுடியும்.Large speakers ஆப்ஷனில் கூட ஒலியின் வெளிப்பாடு மிக துல்லியம். கீழே உள்ள மைக்ரோசாப்ட் தலத்தில் சென்று தரவிறக்கம் செய்து கொள்ளுங்கள்.

Click it for large image!







One of  the super trouper energetic hit  from the ABBA


தயவு செய்து இந்த இணைப்பில் சென்று அவைகளை வாசிக்கும் படி அன்புடன் வேண்டுகிறேன் 

புதன், ஜனவரி 5

செய்த பாவம் தீருதடா சிவகுருனாதா.....

மீண்டும் பிளக்கும் !

இந்த அரசியல் பற்றியே எதுவும் எழுத வேணாம் என்று சும்மா இருந்தாலும் நடப்புக்கள் நம்ம விட்டுவைபதில்லை. மீண்டும் ஒரு பெரு வெடிப்பு நிகழும் தருணங்கள் உண்டாக்கியுள்ளன.

நீண்ட நெடிய அரசியல் வாழ்வில் இவர் கண்ட உயர்வு தாழ்வுகள்,புகழ்ச்சி, இகழ்ச்சி, பதவி, ஏற்றம், இறக்கம் என ஒரு இந்திய அரசியல் வாழ்வின் அத்தனை முகங்களையும் கண்டவர் இன்று இப்படி இந்த வயதில் பரிதவித்து நிற்பது பாவமாக உள்ளது. எல்லாம் இவரே உண்டாகிக்கொண்டதுதான் என்பது உண்மையே. கட்டுப்பாடு அற்ற அளவு கடந்த ஆசையே இவர்களை இன்று கீழே தள்ளும் அளவிற்கு கொண்டுபோயுள்ளது. உண்மையை சொன்னால் தமிழர்களின் அளவற்ற கோபத்திற்கும் வெறுப்புக்கும் இன்று இந்த மொத்த குடும்பமும் ஆளாகியுள்ளது. தி.மு. க. கட்சியின் இறுதி தொண்டன் வரை இவர்களை வெறுக்க ஆரம்பித்து விட்டனர் என்பது அவர்களின் விரக்தியான பேச்சிக்களில்தெரிகிறது.

கட்சியில்  உள்ளவர்களை அனைவரையும் புறம் தள்ளிவிட்டு தன் மனைவிமார்களின் பிள்ளைகளின், குடும்ப நபர்களை ஒருவர் பாக்கி இன்றி நேற்று பிறந்த பேரக்குழந்தைகள் வரை அனைவரையும் தி.மு.க. விலும், பணம் கொழிக்கும் பிசினஸ் களில் அனைவரையும் உள்ளே பொருத்திவிட்டு முன்னிறுத்திகொண்டது கேவலம் என்ற உணவே இவரிடம் இல்லாமல் போனது இந்த கட்சியின் துயரம். இலங்கையில் போரின் உச்ச கட்டங்களில் கொத்து கொத்தாக அப்பாவி தமிழர்கள் செத்து விழுந்த போதும் கூட தங்களின் குடும்ப உறவுகளின் நச்சரிப்பால் உடம்பால் முடியாது சக்கர வண்டியில் டெல்லி வரை சென்று அங்கு தங்கி இருந்து மத்தியில் தன் மனைவி மார்களின் வாரிசுகளுக்காய், மருமகனின் வாரிசுகளுக்காய் தவமிருந்து பதவிகளை பெற்றுவந்த போதே தமிழ் நாட்டவர்கள் அதிர்ச்சியில் ஆழ்ந்தனர் என்ன மனிதர் இவர் ? என்ற கோபத்தில்.

இன்று ஒவ்வொரு தி.மு.க. காரனும் எண்ணுவது இதுதான். கிழவர் கட்சியை விட்டு பதவியை விட்டு போகவேண்டும். ஸ்பெக்ட்ரம் ராசாவையும் கனிமொழியையும் இவர்கள் வெறுத்து ஒதுக்குவது நியாயமே. தி.மு.க . என்ற பிராந்திய கட்சியின் பெயரை தேசிய அளவில் கெடுத்து குட்டிசுவர் ஆகியவர்கள்தான் கனிமொழியும் ராசாவும் என்ற இவர்களின் கோபத்திற்கு என்ன சொல்வது?

மற்ற பிள்ளைகளைப்போல தன் பெண்ணும் பெருந்தலைவராகி செல்வாக்குடன் திகழ வேண்டும் என்ற பேராசை ராசாத்தி அம்மாள் மூலம் செயல் பட அதனால் வந்த வினைதான் இது. "இவர்களுக்குத்தான் வேண்டும் அளவு கோடான கோடி செல்வமும் நிறுவனங்களும் ரியல் எஸ்டேட் நிறுவனங்களும் கொடுத்துள்ளாரே கிழவர் பின்னர் இன்னமும் ஏன் இந்த பேராசை இவர்களுக்கு ? " என்ற அவர்கள் புலம்புவது வெளிப்படை . கனிமொழியும் தன் தகுதி,வரம்பு முறை அறியாமல் எப்படியாவது மதிய அரசில் மந்திரியாக வேண்டும் என்ற ஆசையில் மண் விழுந்தாலும் தங்களின் பினாமியாக ராசா மந்திரியாக வேண்டும் என்று இவர்கள் நடத்திய பேரங்கள் எல்லாம் நீரா நாடியா டேப் முலம் சந்தி சிரிக்க ஆரம்பித்தது இந்திய ஜனநாயகம் என்ற பொய் தோற்றத்தின் உச்சகட்டம்.

தாங்கள் விரும்பியவருக்கு பதவி வேண்டும் என்ற வெறியில் இவர்கள் மு.க. அழகிரியை இவர்கள் கேவலமாக பேசியதெல்லாம் வெளி வந்த போதே ஒரு பெரும் வெடிப்புக்கு நாள் குறித்தாகி விட்டது என்றே தோன்றியது. இன்று அது நிகழ்கிறது. கட்சியிலிருந்து ராசாவையும், கனிமொழி, பூங்கோதை போன்ற வர்களை நீக்க வேண்டும் இல்லையேல் தான் கட்சியில் இருக்கபோவதில்லை என்று போர்க்கொடி உயர்த்திவிட்டார் அழகிரி.

மு.க. அழகிரி தன்னுடைய மத்திய அமைச்சர் பதவியை ராஜினாமா செல்துவிட்டார் என்றும் தி.மு.க. கட்சியில் இருந்தும் தம் பொறுப்புக்களை ராஜினாமா செய்துவிட்டார் என்று செய்திகள் வந்துவிட்டன. இளவல் மு.க. ஸ்டாலின் கூட இதே போன்ற மன நிலையில்தான் உள்ளார் என்றாலும் சற்று அப்பாவின் நிலை கண்டு அடக்கி வாசிக்கிறார் .

இவைகள் எல்லாம் வெறும் பம்மாத்துதான்.

இருப்பதை இல்லை என்றும், இல்லாத ஒன்றை இருப்பாதாக காட்டும் கண்கட்டு வித்தையில் நோபல் பரிசு வாங்கும் அளவு திறமையானவர் நம் தமிழக முதல்வர்.

// பிரிந்தோம் கண்ணீர் விட்டோம், கூடினோம் புன்முறுவல் பூக்கும் முகங்களுடன் //

என்று தனக்குத்தானே கடிதம் எழுதி அத்தனை தமிழர்களின் காதிலும் மறுபடியும் பூ சுற்றுவார் பாருங்கள். கடமை கண்ணியம் கட்டுப்பாடு எல்லாம் எங்கே தான் போனதோ!
செய்த பாவம் தீருதடா சிவகுருனாதா.........................

வெள்ளி, டிசம்பர் 31

New Year
வாசக அன்பர்களுக்கும் ,சக பதிவர்களுக்கும், அன்பான நண்பர்களுக்கும் 
அணைவருக்கும் புது வருட வாழ்த்துக்கள்.










திங்கள், டிசம்பர் 27

பத்தாது பாரதி ராசாவுக்கு!!


இந்த கன்றாவிகளுக்கு பயந்து தான் நான் டி.வி. பக்கமே போவதில்லை. காலையில் காப்பி குடிக்கும் போதும் ,மதியம் சாப்பிடும் நேரங்களில் மட்டும் சேனலை நியுசுக்கு மாற்றி கொஞ்சம் செய்திகளை பார்த்து/ கேட்டு விட்டு பின்னர் ஒதுங்கிவிடுவது என் இயல்பு. பசை போட்டு ஒட்டி வைத்து போல ரிமோட்டும் கையுமாய் அந்த பெட்டியின் முன்னாள் உட்கார்ந்து கொண்டு பழி கிடப்பது நம்பளால் ஆகாது சாமீ....அதுதான்.....தமிழ் திரைப்பட இயக்குனர்கள் சங்க நாப்பதாவது ஆண்டு விழா. தெரியாத்தனமா நேற்று சன் டி.வி. யில் பாத்து தொலைச்சேன்...



நண்பர்வேறு ஊரில் இல்லை .மாலை வேளைகளில் ஊர் சுற்ற கூட ஆள் இல்லை. சரிதான்,இதைத்தான் சற்று பார்ப்போமே என்று உட்கார்ந்தால் வழக்கம் போல ஒரே சொதப்பலாகவா இருக்கும்? இடையில் வழக்கமான விளம்பரங்கள், ரிகார்ட் டான்ஸ்,  ரிகார்ட் டான்ஸ்,  ரிகார்ட் டான்ஸ்,  ரிகார்ட் டான்ஸ்,  ரிகார்ட் டான்ஸ்....பொருகளையடா சாமிகளா!

இடையில் அவ்வப்போது வந்து மைக்கை பிடித்துக்கொண்டு இவர்கள் பண்ணிய அட்டூழியம். கவிஞர் வாலியும், மெல்லிசை மன்னர் விஸ்வநாதனும் சற்று ஆறுதல் தந்தார்கள். பழைய/ முன்னாள் சினிமா இயக்குனர்களை மேடைக்கு அழைத்து அவர்களை கௌரவித்தது சிறப்பு. ஆனாலும் அநியாயமாக அளவுக்கு மீறி இப்படியா சொதப்புவார்கள் மக பாவிகள்?!

ஒரு பொது நிகழ்ச்சியில் பங்கு கொள்வதென்றால் நம்மவர்களுக்கு புத்தியே புடுங்கிக்கொண்டு போய்விடும் போல. டிரஸ் சென்ஸ் என்பதே மருந்துக்கும் கிடையாது. வாலியும், விஸ்வநாதனும் வெள்ளை வேட்டி ஜிப்பா என்று பிரகாசித்தார்கள். மற்றும் முன்னாள் இயக்குனர்களும் மிக கண்ணியமாக காட்சியளித்தனர். ஆனால் நண்டு சிண்டுகள் எல்லாம்...பெண்கள் எல்லாம் வழக்கம்போல தலை விரி கோலமாய் ஒரே காட்டேரி கோலம்தான்.


நிகழ்ச்சியில் இறுதியில் தான் மகா மகா கொடுமைகள். பாரதி ராசாவுக்கு ஏன் இந்தவீண் வேலை?தன்னை விட மூத்த மற்றும் தன்னை விட இளைய இயக்குனர்கள் எல்லாம் எந்த வேஷமும் கட்டாமல் இயல்பாய் வந்தார்கள்.பார்பதற்கு இயல்பாய் கண்ணியமாய் இருந்தனர்.ஆனால், இவர் மட்டும் இன்னமும் தான் 1975 இல் இருப்பதாய் நினைத்துக்கொண்டு தலைக்கும் தன் தடித்த மீசைக்கும் "சாயம் " அடித்துக்கொண்டு வந்து மேடை ஏறியது. இதை தானே ஒத்துக்கொண்டாலும் அவர் அடித்த கூத்துக்கள் மகா கேவலம்.

அதுதான் போகட்டும் என்றால் இசைஞானியை மேடைக்கு வர வழைத்து இவர் அடித்த கூத்து சகிக்க வில்லை. இருவரும் சொதப்பினார்கள் என்பதே உண்மை. ஆயிரம் தான் இளைய ராஜா இவரின் இளமைக்கால நண்பர்களாய் இருக்கட்டும், இந்நாளில் இவர்கள் இருவரும் ஒரு பொது மேடையில் இப்படித்தான் பேசிகொள்வதா? இசைஞானியாவது சற்று நிதானித்து கண்ணியம் காத்தார். ஆனால் பாரதி ராசா அடித்த கூத்துக்கள் விரசத்தின் உச்சகட்டம். இசைஞானியை இவர் "அவன்" " இவன்" "போடா" "வாடா" என்று ஒருமையில் அழைத்தது எனக்கு பிரஷரை ஏற்றியது. ஒரு கட்டத்தில் இளையராஜா தங்களின் இளமைகால நிகழ்சிகளை சொல்லும் போது இவரை சதாய்க்க எண்ணி ஏதோ சொல்லப்போக உடனே நம்ம பாரதி ராசா அவரை " ஏய் " என்று அதட்டியது உச்ச கட்டம். அவையில் இதனை எவரும் ரசித்திருக்க மாட்டார்கள் மிஸ்டர் டைரடக்கர் பாரதி ராசா அவர்களே!

இவரின் நடவடிக்கைகள் அனைவரையும் முகம் சுழிக்க வைத்து.
என்னதான் தான் பெரிய டைரடக்கர் ஆக இருந்தாலும் ஒரு பொது நிகழ்ச்சியில், அதுவும் அனைவரும் விரும்பி பார்க்கும் சினிமா துறை சார்ந்த ஒரு நிகழ்ச்சியில் ஏன் இவ்வளவு கர்வமும், ஆணவமும் , திமிரும் வெளிப்பட இவர்கள் நடந்து கொள்கின்றனர்? நானும் அப்போது பாரதி ராஜா படங்கள் என்று விழுந்து அடித்துக்கொண்டு பார்த்து ரசித்தவன் தான். ஆனாலும் அவரிடம் அனுபவம் இருக்கும் அளவிற்கு பக்குவம், மெச்சூரிட்டி கண்ணியம் இல்லை. அவை அடக்கம் என்னவென்பதை ரஜினியிடமும் மணிரத்தினம் இவர்களிடம் கற்றுக்கொள்ளுங்கள் பாரதி ராசா அவர்களே!


தங்களை விட இசைஞானிக்குதான் அதிக வரவேற்பும், கரவொலியும், விசில் சப்தங்களும் விண்ணை பிளந்தன என்பதை இன்னமும் நீங்க நினைவில் வைக்கவேண்டும் அய்யா.



ஞாயிறு, டிசம்பர் 26

அனுபவி ராஜா அனுபவி

அனுபவி ராஜா அனுபவி.... அறுபதுகளில் வெளிவந்த கே. பாலச்சந்தரின் முழுநீள காமெடி படம். அப்போது நான் சின்ன பையனாக இருந்தாலும் பின்னாளில், வேலைக்கு சென்றபின் எண்பதுகளில், சென்னை டி. நகர் கிருஷ்ணவேனியில் நண்பர்களுடன் பார்த்து ரசித்தப்படம் . இரண்டாம் ஆட்டம் பார்த்துக்கொண்டே புதுவருடம் கொண்டாட்டங்களில் கலந்துகொண்டது நினைவுக்கு வந்தது. . தரமான விரசமில்லாத நகைசுவை காட்சிகள் நிறைந்த படம். நாகேஷ் இரு வேடங்களில் வந்து அசத்துவார். கூடவே முத்துராமன், சுந்தர்ராஜன்,முத்து லட்சுமி, மனோரமா ,ராஜஸ்ரீ,ஜெயபாரதி (முதல் படம்) என்று கலக்குவார்கள். முடிந்தால் பார்த்து ரசியுங்கள். தமிழில் வட்டார வழக்கின் பெருமை பேசும் படம். 




அனுபவி ராஜா அனுபவி 
இந்த இரண்டு வாலிபர்களுக்கும் பட்டம் விட நூல் கிடைக்கவில்லையென்று எங்கிருந்து நூல் எடுகிறார்கள் பாருங்கள். 



முத்து குளிக்க வாரீகளா !!!!



விடா கண்டன் கொடாக்கண்டன் .......வேறுயாரு ? நம்ம கவுண்டரும் செந்திலும்தான் 




வெள்ளி, டிசம்பர் 24

அனைவருக்கும் இனிய கிருஸ்த்மஸ் வாழ்த்துக்கள்!





டிசம்பர் மாதம் கிறிஸ்த்மஸ் சமயங்களில் வீட்டில் நான் இருந்தால் கேக்குகளால்  மனம் கமழும். பிள்ளைகள்  இரண்டும் என் பெண்டாட்டியும் தின்று தீர்த்து விட்டு வெறும் டப்பாவை என்னிடம் காட்டுவார்கள்.இது தெரிந்து தான் பேக்கரியில் வாங்கும்போதே தின்றுவிடுவேன்:))))

முஸ்லிம்களும் கேக் வாங்குகிறார்கள்,இந்துக்களும் கேக் வாங்குகிறார்கள்,கிருஸ்துவர்களும் பொங்கல் வைக்கிறார்கள்,முஸ்லிம்களும் தீவாளி ஸ்வீட்ஸ் வாங்குகிறார்கள். .இந்துக்களும் ரம்ஜான் அன்று பிரியாணி பண்ணி கொண்டாடுகிறார்கள். 

மதங்கள் மனிதம் வளர்க்கட்டும். 





இந்த பிள்ளைகள் "Merry Christmas" சொல்லும் அழகே அழகு! 






தேவன் திருச்சபை மலர்களே ... இன்னுமொரு ராஜ கானம்!




வியாழன், டிசம்பர் 23

பாரம்பரியமிக்க காங்கிரஸ் !

கல்லறை வரை இவர்கள்  பாவம் தொடரும்.


முப்பத்தி ஒரு வயது ரோஹித் சேகர் தொடுத்த புகாரின் பேரில் டெல்லி உயர் நீதி மன்றம் தடாலடியாக ஒரு நிபந்தனையை முன்னால் ஆந்திர பிரதேச கவர்னரும் , அகில இந்தியா காங்கிரஸ் கட்சியின் மிக முக்கியமான தலைவர்களுள் ஒருவரான என்.டி. திவாரி ( அவர்தான் செக்ஸ் புகாரில் பதவி இழந்த மன்மத கிழவர் ) அவர் D N A சோதனைக்கு தன்னை ஆட்படுதிக்கொள்ளவேண்டும் என்று கேட்டுள்ளது.

ரோஹித் சேகர் கொடுத்த புகாரில் N D திவாரிதான் தன் அப்பா என்றும் ஆனால் இதை அவர் மறுக்கிறார் என்று புகார் அளித்துள்ளார்.

85 வயதான இந்த முன்னால் ஆந்திர கவர்னர் தன்னை D N A சோதனைக்கு கட்டாயப்படுத்தக்கூடாது என்ற மனுவினை தள்ளுபடி செய்த நீதிபதி,
திவாரி இந்த சோதனைக்கு உட்படுவது இன்றியமையாதது.ஒரு குழந்தைக்கு தன் உயிரியல் தந்தை யார் என்று தெரிந்து கொள்ள முழு உரிமை உள்ளது."...It is not in the interest of the child to be declared a bastard," the court said.

ரோஹித் சேகருக்கு இப்போது முப்பத்தி  ஒரு வயது என்றால், நம் மன்மத "குஞ்சு " திவாரி அவரின் ஐம்பத்தி நாலாம் வயதுகளிலேயே ஆட்டம் போட்டவர்தான் போலும். இந்த மனிதரைத்தான் இந்திராவும் பின்னர் ராசீவ் காண்டியும் , சோனியாவும் ரொம்பவும் கொண்டாடினார்கள். 

நாட்டை மட்டுமா இந்த காங்கிரஸ் பெருச்சாளிகள் சுரண்டினார்கள்?  ஒன்றும் சொல்வதற்கில்லை. அடுத்தவருடம் சோனியா, திவாரிக்கு பத்ம பூஷன் விருது கொடுத்தாலும் இங்கே செல்லுபடியாகும். வழக்கம்  போல மற்ற எல்லா ஊழல் புகார்களுடன் இதுவும் J P C / C B I விசாரணை என்று முடங்கி விடும்.

பல்லு உள்ளவன் பகோடா தின்னட்டும். ஆனால் தாங்கள் தான் இந்த தேசத்தை ரட்சிக்க வந்த தேவ தூதர்கள் என்று தங்கள் தாங்களே பில்ட் அப்ப செய்து கொண்டு இன்னமும் எத்தனை  நாளைக்குத்தான் இந்த கும்பல் இந்த நாட்டை குட்டிச்வராக்கும்?  பொதுவாழ்வில் உள்ளவர்கள் குறைந்த பட்சமாவது தங்களின் பொது ஜன இமேஜ் ஐ நல்ல கண்ணியமான 
 முறையில் வைத்துகொள்ள வேண்டாமா? இவர்கள் தான் மகாத்துமா காந்தியின் சீடர்கள் என்று ப்ளக்ஸ் போர்டில் காந்தி படத்துக்கு கீழே இந்த சாக்கடை மனிதர்களையும் சற்றும் வெட்கம் இன்றி தங்களின் அழகு படத்தை போட்டுகொள்வார்கள். நடக்க முடியாத பழைய காங்கிரஸ் கார்களுக்கு எல்லாம் அரசின் பதவியில் இருந்துகொண்டே உயிர்விட கொல்லை ஆசை. அத்தனை கிழடுகளும் இந்தியாமுழுக்க கவர்னர்கள். 

காங்கிரஸ் காரர்கள் கல்லறை சென்றாலும் அவர்கள் செய்த, செய்யும் அநியாயங்கள் தொடரும் போலும். இப்பொது ரோஹித் சேகர் தொடுத்த புகாரில் இந்த காமந்தகனின் இன்னொரு " மூஞ்சியும் " நாட்டுக்கு தெரியலாம்.
வந்தே மாதரம்! காங்கிரஸ் ஜிந்தாபாத்து!! 


N D திவாரியின் கணக்கற்ற காம லீலைகள் பற்றி கிண்டல் அடித்து வெளிவந்துள்ள வீடியோ. 




புதன், டிசம்பர் 22

ஒலியும் ஒளியும்-3





அவர்கள் திரையுலக ஜாம்பவான்கள். 
 தங்களின் தொழிலின் மீது எத்தனை 
கவனமும், அக்கறையும், நம்பிக்கையும் கொண்டிருந்தனர் என்று இந்த காட்சியை பார்த்தால் புரியம். சகலமும் ரெடிமேடாய் போய்விட்ட இன்றைய காலத்தில் இவர்கள் அளவிற்கு அர்பணிப்பும்,உழைப்பையும் சிரமத்தையும் இப்போது உள்ளவர்களால் சிந்திக்கவே இயலாது. நாட்டிய பேரொளி பத்மினி மின்னல் ஒளியாக பாய்ந்து ஆட, அவருக்கு சற்றும் சளைக்காமல் எம்.ஜி. ஆரும் ஈடு கொடுத்து நடனம் ஆடும் இந்த காட்சி மன்னாதி மன்னன் படத்தில் இடம் பெற்றது.  அதை இப்போது பார்த்தாலும் வியப்பைத்தான் தருகிறது.





இந்த பூனையும் பாலை குடிக்குமா என்ற தோற்றத்தில் வரும் எம்.ஜி.ஆர். பின்னர் டுயட் காட்சிகளில் பின்னி எடுத்துவிடுவார் என்பதற்கு இந்த பாடலும் ஒரு எடுத்துக்காட்டு. இவர்களின் உடை அலங்காரம், கை கெடிகாரம், டீ ஷர்ட் மற்றும் புடவை அணியும் அழகு, காதணிகள் என்று கவனித்தால் ரசமாய் தான் இருக்கும்.கத்தி கண்ணழகி தேவிகாவுடன் எம்.ஜி.ஆர். -ஆனந்த ஜோதி.






சச்சு கதாநாயகியாக நடித்த வீரத்திருமகன். இந்த பாடல் காட்சி படமாக்கப்பட்ட விதம் எவ்வாறு இருக்கலாம் என்று திரைப்பட துறையில் உள்ளவர்கள் மட்டுமே விளக்க முடியும். நடுவில் உள்ள பெரிய தாமரை, அதன்மேல் இளவரசி, சுற்றிலும் அகன்ற தாமரை இலைகள் , அதன் மேல் அவளின் தோழிகள்.ஒரு பெரிய நீர் நிலையில், குளமோ, ஏரியோ. இந்த அமைப்பு மெதுவாக சுற்றி வருகிறது.காதல் வயப்பட்ட இளவரசியை தோழிகள் கிண்டல் பண்ண, பாடல் தொடர்கிறது.
சுசீலா, ஈஸ்வரி இருவரும் இணைந்து நிறைய பாடியுள்ளார்கள். இந்த பாடலும் பார்க்கவும்,கேட்கவும் இனிமையானது.என்ன காரணமோ பாடல் முழுமையாக இல்லை. திடீரென்று நின்றுவிடும்.






கீழ் கண்ட பக்கம் சென்று அவசியம் படிக்கவும்.