நல்லது......இனிமேலாவது இளையவர்கள் ?

கடந்த 2010 ஆம் ஆண்டில் // அப்படி போடுன்னானா !! // என்ற தலைப்பில் பதிவொன்றை வெளியிட்டேன். இணைப்பு  உள்ளது 

http://ponmaalaipozhuthu.blogspot.in/2010/11/blog-post.html

IOA (Indian Olympic Association ) க்கு தடை 

அனைத்துலக ஒலிம்பிக் சம்மேளனம் IOC ( International Olympic Committee )  கொடுத்துள்ள அடியில்  இந்திய ஒலிம்பிக் கூட்டமைப்பு    IOA(Indian Olympic Association ) முகம் அற்று போய்விட்டது. இந்திய  விளையாட்டு துறையும், வீரர்களும், நம் நாடும்  அவமானப்பட்டு நிற்கிறோம்.

இந்த தடையினால் இனி 

1. சர்வதேச விளையாட்டுகளில் இந்தியர்கள் தங்கள் நாட்டு தேசியக்கொடியுடன் இனி பங்கேற்க இயலாது.
2. அனைத்துலக ஒலிம்பிக் சம்மெளனம் இனி இந்திய ஒலிம்பிக் கூட்டமைப்புக்கு வளர்ச்சி நிதியும் தராது.
3. இந்திய ஒலிம்பிக் கூட்டமைப்பின் நிர்வாகிகள்,உறுப்பினர்கள் எவரும் இனி சர்வதேச ஒலிம்பிக் கூட்டங்களில் பங்குகொள்ள முடியாது.

I O C பல முறையும் அறிவுரை கூறியும்,விதிகளை  மதித்து அதன் படி தேர்வுகள் நடத்தி தங்கள் நிர்வாக தலைவர்களை  தேர்ந்தெடுத்து கொள்ளவேண்டும் என்றும், அரசாங்கத்தின் அதன் நிர்வாகத்தின் குறுக்கீடுகள்,நிபந்தனைகள் போன்ற எதற்கும் இடம் தரலாகாது என்று தங்களின் நெறிமுறைகளை வகுத்துள்ளது. ஆனால் இந்திய ஒலிம்பிக் கூட்டமைப்பு இவைகள் எதையும் மதிக்காமல், அரசின் அதிகாரத்தில் இருபவர்களின் கைகளில் சிக்கி சீரழிந்து போனது. விளையாட்டின் சகல நிலைகளிலும் அரசியலும், ஊழலும் நிறைந்து விளையாட்டு துறை என்பது நிரந்தர வருமானம் தரும் தொழிலாக மாறிப்போனது. திட்டமிட்டு கொள்ளை அடிக்கவும், சொத்து சேர்க்கவும் மட்டுமே இவர்கள் தொடர்ந்து பதவிகளில் உள்ளனர். அங்குள்ளவர்கள் எல்லாம் தொடர்ந்து இருபது, முப்பது வருடங்களாக அதே பொறுப்பில் இருகின்றனர். அனைவருக்கும் எழுபது , என்பது வயதான கிழவர்கள்.இதில் உள்ள தலைகள் எல்லாம் நீதி மன்றங்களில் தண்டிகபட்டவர்கள். விளையாட்டு வீரர்கள் வசதிகள் இன்றி கவனிப்பார் இன்றி  பின்னுக்கு தள்ளப்ட்டனர். மற்ற துறைகள் போல வியாட்டு துறையிலும் அரசியலும், ஊழலும் மிதமிஞ்சியதால் வந்த அவமானம் இது.

அகத்தின் அழகு முகத்தில் தெரிகிறதே!!

பிரபல வீரர்கள்  அனைவரும் இந்த முடிவை ஆதரிகின்றனர். இனிமேலாவது மாற்றம் வேண்டும், வரும் என்று கருதுகின்றனர். நல்லதுதான்.....இனிமேலாவது இளையவர்களும், விளையாட்டில் உண்மையிலேயே ஆர்வமுள்ள புதியவர்கள் வரட்டும், இந்தியா தங்கமும்,வெள்ளியும் வாங்குவது இருக்கட்டும், குறைந்த பட்சம் இப்படி சர்வதேச அரங்கில் நம் மானம் போகாமல் இருந்தாலே போதும்.

// This is an absolutely right step taken by the IOC. In this country all the useless, dirty corrupt politician play their dirty politics in sport and every field. So, it's going to be a huge lesson to these dirty politicians that sports is for gritted, witted, and brave hearted sport persons and not for the dirty corrupt politicians.//