ஊரான் வூட்டு நெய்யே என் பெண்ட்டாடி கையே!

கிரிகெட் உலககோப்பை நடத்தும் I.C.C.நிறுவனத்துக்கு நமது இந்திய அரசு 30%  வரி தள்ளுபடி செய்துள்ளது. 44 கோடி ரூபாய் அளவிற்கு I.C.C  க்கு சலுகை கிடைத்துள்ளது. உபயம் இந்திய நாட்டு வேளாண்மை துறை அமைச்சர் ஷரத் பவார் அவர்களின் நல்லாசியுடன். ஆனால் இதே I.C.C.  நாளை நடக்க விருக்கும் உலககோப்பை இறுதி கிரிகெட் ஆட்டத்தை ஒளிபரப்ப அணைத்து இந்திய தொலைகாட்சிகளுக்கும் தடை விதித்தது. 

வழக்கமாக ஊடகங்கள் அனைத்தும் ஒரே குரலில் கத்தி களேபாரம் செய்தபின் தடையை நீக்கி விட்டதாக I.C.C.  இப்போது அறிவித்துள்ளது. நம் நாட்டில் அணைத்து உள்நாட்டு, பன்னாட்டு தொழில் முனையங்களும் இங்கு லாபம் ஈட்டுவதால் அரசுக்கு வரி செலுத்த வேண்டும். ஏன், ஒரு தனியார் மருத்துவ மனை கூட வரிகட்டியாகவேண்டும். I.C.C  ஒன்றும் சாரிட்டி அமைப்பு அல்லவே. லாபம் தானே அவர்களின் நோக்கம்.

நாட்டில் போதிய அளவு உணவுதானியங்கள் விளைந்தும் அதனை கொள்முதல் செய்து பாதுகாக்கும் F C I  க்கு இன்னமும் போதுமான கிடங்கு, சேமிப்பு வசதிகள் இல்லாதால் டன் கணக்கில் தானியங்கள் வருடம் தோறும் மழையிலும் வெய்யிலிலும் கிடந்தது  பாழாகின்றன. உச்ச நீதிமன்றம் தலையிட்டு அவைகளை சரியான வழியில் பாதுக்காக ஆவன செய்யவும், அதிகம் உள்ள தானியங்களை ஏழை எளிய மக்களுக்கு விநியோகம் செய்யவும் அறிவுறுத்தியும்  அதன் மீது எந்த வகை ஆக்க பூர்வமான நடவடிக்கையும் இந்திய விவசாய அமைச்சகம் செய்ய வில்லை. ஆனால் அந்த அமைச்சகத்தின் பொறுப்பான விவசாய அமைச்சரோ பன்னாட்டு I.C.C  க்கு சலுகைகளை வாரி விடுவதில்தான் மிக்க கவனமாக இருக்கிறார்.

 பன்னாட்டு கைக்கூலி, வெட்கம் அற்ற இந்த மாபியா தலைவன் ஷரத் பவாருக்கு ஏன் இந்த வீண் வேலை? ஆசியாவில் அதிலும் இந்திய துணைக்கண்டதில் இந்த எழெவெடுத்த கிரிகெட்டுக்காக எவ்வளவு லட்சம் கோடிகள் இந்த I.C.C  மட்டும் வாரிகொட்டிகொள்கிறது? ஆனால் இந்தியர்களின் வரிபணத்தில் இவர்களுக்கு இலவசமா?

 மத்திய அரசில் உள்ள எவருக்கும் கொஞ்சமாவது மன சாட்சி என்று உள்ளதா தெரியவில்லை.