தடை செய்யவேண்டும்.

"மக்களாட்சி " நடக்கும் ஒரு நாட்டில் ஒரு குறிப்பிட்ட அரசியல் கட்சி மட்டும் அந்த நாட்டின் தேசியக்கொடியினை தனது கட்சியின் கொடியாக எப்படி பயன்படுத்த முடிகிறது? அகில இந்திய காங்கிரஸ் கட்சிக்கு மட்டும் அப்படி என்ன தனித்துவம்? காங்கிரஸ் கட்சியின் கொடியைத்தான் இந்தியாவின் தேசிய கொடியாக வைத்துள்ளார்கள் என்றால் அதே மூவர்ண கொடியை அவர்கள் எவ்வாறு இன்னமும் தங்களின் கட்சியின் கொடியாக  பயன்படுத்த இயலும் ?

காங்கிரஸ் கட்சி, இந்திய நாட்டின் மூவர்ண தேசியக்கொடியினை தனது கட்சியின் கொடியாக பயன் படுத்துவதை முதலில் சட்டப்படி தடை செய்ய ஏன் எவரும் முன்வரவில்லை இதுவரை? காந்தி என்ற ஒரு சொல்லையும் ,இந்த மூவர்ண கொடியையும் வைத்துக்கொண்டு இன்னமும் அவர்கள் இந்த நாட்டு மக்களை ஏமாற்றி ஒரு குறிப்பிட்ட பரம்பரை ஆட்சியை மேலும் கொண்டு செலுத்தவே முயற்சிக்கின்றனர்.இவர்கள் ஒழிந்தாலே போதும் நாட்டின் பிற பகுதிகளும் திருந்திவிடும் .

"அவர்கள் சுதந்திரம் வாங்க பாடு பட்டார்கள் " என்று யாரும் பழைய மூணாம் கிளாஸ் பாடம் படிக்காதீர்கள். பாடு பட்டவர்கள் எல்லாம் போய் சேர்ந்துவிட்டார்கள். மிஞ்சி இருப்பது இவர்கள் நாட்டை அடகு வைக்கவும் , அடுத்தவனுக்கு , பிற நாட்டிற்கு இந்தியாவை விற்கவும் கூட தயங்காத சண்டாளர்கள்.பதவியும், பணமும் ,அதிகார மோகமும் கொண்ட அடிவருடி கூட்டங்களே!

தேவையென்றால் இத்தாலியில் இருந்து வேறு நிறக்கொடிகளை கொண்டுவந்து கட்சி நடத்தட்டும். அது பற்றி யாருக்கும் கவலை இல்லை.இவர்கள் இந்தியாவின் மூவர்ண கொடியினை தங்களின் சுய லாபங்களுக்காக பயன்படுத்துவதை தடை செய்ய வேண்டும்.இவர்களால் பாரதத்தின் பெருமை சீரழிந்தது , நாட்டையும் அதன் மக்களையும் கேவலப்படுத்தியுள்ளனர். தடை செய்தபின் பின்னர் பாருங்கள் எப்படி இந்த நாட்டு மக்களை இவர்கள் முட்டாள்களாக ஆக்கி வைத்து, இந்த தேசத்தையே சுரண்டி வாழ்ந்தார்கள் என்பது தெரிந்துவிடும். 

நாங்கள்தான் தேசிய கட்சி - என்று இன்னமும் சற்றும் வெட்கம் இல்லாமல் பேசுவார்கள்.சுயமாக செயல்பட , முடிவுகளை தர இயலாத ,எந்த ஒரு இந்தியனுக்கும் கட்சி தலைமையாக இருக்க இயலாத அந்த கூட்டத்திற்கு ஏன் இந்தியாவின் தேசிய கொடி இன்னமும் பயன்பட வேண்டும்?

இத்தாலிய மபியா ஆட்சிகள்  ஒழிந்து நம்மவர்கள் ஆட்சி செய்யும் காலம் வரட்டும்.