பால் அண்ணாத்தே, எங்க ஊருக்கு வருவீங்களா?

ஒருவழியா உலககோப்பை 'உதை'பந்தாட்ட திருவிழா ஸ்பெயின் சாம்பியன் ட்ராபியை தட்டிசென்றதுடன் முடிந்தது.

இரவு 12 மணிக்கு மேல் டி.வி . யை கட்டிக்கொண்டு கிடந்த பிள்ளைகள் எல்லோரும் ரொம்ப கவனமாக படிக்க ஆரம்பித்து விட்டார்களாம். இது எங்க வீட்டு கதை. அதை விடுங்க, நம்ம நாட்டுக்கு நல்ல விஷயம் ஒன்று இந்த போட்டிகளின் வழியாக கிடக்கும் போல உள்ளது.

"எட்டு கையி " பால் அண்ணாதே சொல்லிய அணைத்து ஆரூடங்களும் 100 % பளிச்சிடுச்சே !

நம்ம இந்திய தேர்தல் ஆணையத்துக்கு இது ஒரு நல்ல நேரம்தான் .

நம்ம தேர்தல் ஆணையம் படும் சிரமங்களும் சுத்தமாக குறைந்து விடும்.

கோடி கோடியாக மக்கள் வரிப்பணம் ஒவ்வொரு துக்கடா தேர்தலுக்கும் செலவாவதை தடுக்கலாம்.

ஒட்டு போடும் மெஷின்களும் வேண்டாம் .ஓட்டு சாவடிகளும் வேண்டாம். போலீசும் வேண்டாம். ராணுவமும் வேண்டாம்.

அரசு அதிகாரிகளும் வேண்டாம்.ஒட்டு எண்ணவும் ஆட்களும் வேண்டாம். ஏன் , நம்ம அரசியல் கட்சி 'தலீவர்களுக்கும்' கோடி கோடியா பணம் செலவு பண்ணி ஒட்டு வாங்கவும் தேவை இல்லை.

இவைகள் இனிதே நடக்க வேண்டுமெனில் நம்ம இந்திய தேர்தல் ஆணையம் ஒன்றே ஒன்று மட்டும் செய்தால் போதும்.

ஜெர்மனி காட்சி சாலையில் இருக்கும் அந்த எட்டு கை அண்ணாதே மிஸ்டர் பால் அவர்களை நம் நாட்டுக்கு தள்ளிக்கொண்டு வந்து விட்டால் போதும்!!அண்ணாதே இருக்கும் தொட்டிகுள்லாற நம்ம அரசியல் கட்சி 'தலீவர்களின் ' படங்கள் ஒட்டப்பட்ட சின்ன சின்ன தொட்டிகள வச்சி , அதனுள் அண்ணாத்தயோட பிடிச்ச சப்பாட ( கடல் சிப்பியாம் ) வசிட்டாபோதும் . மிச்சத்த பால் அண்ணாதே பார்த்துகொள்வார்.

எந்த தலீவரு படம் இருக்கும் தொட்டிக்கு பால் அண்ணாதே போயி தன் சாப்பாட்ட எடுக்கிறாரோ அவருதான் 'ப்ரைம் மினிச்டறு',

அந்த கட்சிதான் ஜெயிச்சது அப்டீன்னு தீர்ப்பு சொல்லிடலாம்.

இதே மாதிரி பிரசிடெண்டு அப்புறம் எல்லா மந்திரி மார்கள குறிப்பா உள்துறை மந்திரி,விவசாய மந்திரி,மற்றும் ராணுவ பாதுகாப்பு மந்திரிகளை இந்த முறையில் தேர்வு செய்யலாம்.

ரொம்பதான் வேலை சுளுவா இருக்கு இல்லியா?!

இதேமாதிரி ஒவ்வொரு மாநிலத்திலேயும் தேர்தல் நடத்தி ஜெயச்சவுங்கள் ஆட்சி அமைக்கலாம்தானே!!

சீக்கிரம் நம்ம தமிழ் நாட்டுல தேர்தல் வரும் போல இருக்கு. நம்ம தேர்தல் ஆணையம் இந்த பால் அண்ணாத்ய கொண்டு வந்து

ஒரு முறை Trial Run பார்க்கலாம்.

அம்மா இதுக்கு ஒத்துகொள்ள மாட்டாங்க உறுதி.ஒரு கைய காட்டினாலே போதும் அது அகில இந்திய காங்கிரசு கட்சி சின்னமா பூடும். இவரு  எட்டு கைய வச்சிக்கிட்டு இருக்காரே!?

அதுவும் இல்லாம அண்ணாதே தண்ணீர்ல ( அட டாஸ்மாக் இல்ல ) நகர்ந்து போறப்ப பார்த்தா

 "சூரியன் மாதிரி எல்லா கைகளையும் விரிசிகிட்டுள்ள போவுது!? அப்போ அது தி. மு. க. வை மறை முகமா காட்டுது " அப்டீனுவாங்க .

அய்யா சாமிகளா நான் சும்மா டமாஷு பண்ணினேன். ஆட்டோ , சுமோன்னு ஒன்னும் அனுப்பி பிடாதீங்க !