என் வீட்டு காரருக்கு பில்டர் காப்பின்னா உசிரு!

நாடாளுமன்ற தேர்தலில் மக்களால் நிராகரிக்கப்பட்ட ஒருவர் அதே தேர்தல் தேர்ந்தெடுப்பு முறை இல்லாமல் வேறு வழியில் அங்கே சென்று அமர்வது என்பது என்னவகையான ஆட்சிமுறை? யாராவது சொல்லுங்களேன். நாட்டு மக்களின் எண்ணங்களுக்கும் எதிபார்புக்களுக்கும் எதிராகவே இவர்கள் செயல் படுகின்றனர். சென்ற முறை பார்லிமென்ட் தேர்தலில் மயிலாடுதுறையில் நின்று மண்ணை தின்றவர் ராஜீவின் நண்பர் மணி சங்கர் அய்யர்

அவரை மீண்டும் பார்லிமெண்டுக்கு கொண்டுவந்துள்ளது நாடாளும் காங்கிரஸ் கட்சி. இவர் M.P.  ஆக இருந்து மயிலாடுதுறை தொகுதிக்கு என்ன செய்து விட்டார் என்பது அவருக்கு வாக்களித்தவர்களுக்கு தெரியும்.தொகுதிக்கு இவரால் ஒன்றும் பலனில்லை என்ற கோபத்திலேதான் மக்கள் இவரை நிராகரித்தனர். இப்படி இருக்க, இவரை மீண்டும் பார்லிமெண்டின் கொள்ளை புறமாக உள்ளே கொண்டுவந்துவிட்டனர் .என்ன ஜனநாயகமோ என்ன மக்களாட்சியோ!

கலைவல்லுனர்கள்,கல்வியாளர்கள் மற்றும் துறை சார் வல்லுனர்களுக்கேன்ற சிறப்பாக உள்ள நியமன M.P.  இடங்களுக்கு தேர்தெடுக்கும் யுக்தியில் இவரை தேர்ந்தெடுகிறார்கள் காங்கிரஸ் காரர்கள். மேல் கூறிய எந்த வகை தகுதியாவது  அண்ணாரிடம் இருக்கிறதா என்ற யாராவது சொலுங்கள். இல்லை இவர் பதவியில் இருந்தபோதுதான் என்ன சாதித்தார் என்றாவது சொல்லுங்கள்.

அவரிடம் உள்ள சிலதகுதிகள் முக்கியமானது, காங்கிரஸ் தலைமையினை துதிபாட அவரை மிஞ்ச ஆள் இல்லை. படு பயங்கரமாக ஜால்ரா அடிப்பார். நேரு, இந்திரா, ராஜீவ் ,சோனியா மற்றும் ராகுல் என்று தண்டோரா அடிப்பதில் மிக கெட்டிக்காரர்.இந்த விஷயத்தில் கட்ச்காரர்களே இவர்மீது பொறாமை படுவார்களாம்.இன்னுமொரு தகுதி உள்ளது. டேராடூனில் ராஜீவுடன் பள்ளிக்கூடத்தில் படித்துல்லாராம் . இவைகளை விட மிக அருமையான தலையாய தகுதி ஒன்றுள்ளது. 

மணிசங்கர் அய்யர் வீட்டின் பில்டர் காப்பிக்கு ராஜீவ் அடிமையாம்.அதுசரி

இவரது வலைத்தளம் பார்க்க படு சுவாரஸ்யமாக இருக்கும்.ஊரில் உள்ள கட்சிகளின் கலர்களை எல்லாம் வாரி Template  போடடுவைத்துள்ளார்.சென்றுதான் பாருங்களேன்