இன்னமும் வேண்டுமா??

மூன்று முகங்கள் - பகுதி 4

ஜப்பானின் அணு உலை ஆபத்தால் அங்கிருந்து கதிர்வீச்சுக்கள் ஆரம்பாகிவிட்டன. தற்போது தலை நகர் டோக்கியோ வரை அதன் பாதிப்புகள் உள்ளது . ஆனால் நிச்சயம் இதன் வேகம் இன்னமும் அதிகமாக இருக்கப்போகிறது என்பதே உண்மை. ஒன்று அல்ல இரண்டு அல்ல, ஜப்பானில் புகுஷிமா டாய்ச்சி அணு மின் நிலையத்தில் இருந்த நான்கு அணு உலைகளும் சேதமாகி அவைகளை கட்டுபடுத்தும் முயற்சிகளை அந்நாட்டு அரசும் அகில உலக அணுசக்தி கமிஷனும் முனைப்புடன் உள்ளனர். 

கிட்டத்தட்ட ஒரு அணுகுண்டு வெடிப்புக்கு சமமான விளைவுகள் நிச்சயம் இருக்கும். அணு உலைகளில் அளவற்ற வெப்பத்தின் இடையே இருக்கும் அந்த கதிரியக்க தனிமங்களில் மொத்த ஆற்றலும் வெளியேறும். கணக்கற்ற அளவில் (பல ஆயிரம் டிகிரி சென்டிகிரேட்) வெப்பம் வெளிப்படும். சென்னையில் 38 - 41 டிகிரி சென்டிகிரேட் கோடையிலே நாமெல்லாம் என்ன பாடு படுகிறோம்?  50  டிகிரிக்கு போனாலே ஆங்காங்கே மரணம் நிகழும். ஆனால் பல ஆயிரம் டிகிரி வெப்பம் அந்த பகுதியில் என்றால் என்ன ஆகும் என்று பாருங்கள்.

அதிக ஆற்றலுடன் வெளியேறும் கதிரியக்கம் தாங்கள் சம நிலையை அடையும் வரை அங்கு சுற்றி சூழ்ந்துள்ள காற்று, நீர், மரம். செடி கொடிகள், மனிதர்கள், விலங்குகள் ...ஏன் மலையில் உள்ள பாறைகளைக்கூட விட்டு வைக்காமல் தாக்கும்.நீர் நிலைகள் ஆவியாகிவிடும்,மற்றதெல்லாம் கருகி சாம்பலாகும்.

கதிர்வீச்சின் மூலம் பரவும் அலைகள் கொடுமையான விளைவுகளை மனிதர்களுக்கு உண்டாக்கும்.முன்பு பார்த்த "அயனியாதல்" என்ற விளைவுகளை அந்த அலைகள் ஏற்படுத்து. காற்று மண்டலத்தில் சுவாசிக்க ஆக்ஸிஜனே இருக்காது எல்லாம் அதன் அயநிகலாகிவிடும்.O2  என்று குறிப்பிடுவதே ஆக்சிஜனின் மூலக்கூறு. இந்த அமைப்பில் உள்ள ஆக்சிஜனையே நாம் மற்றும் பிற உயிரினங்கள் சுவாசிக்க முடியும். ஆனால் அப்படி இல்லாமல் O++  என்ற அயனிகளாக இருக்கும் காற்றை சுவாசித்தால் என்ன நடக்கும்?

கதிர்வீச்சினால் அயனியாதல் நடைபெற ஆரம்பிக்கும்.உயிர்களின் தோல் ,திசுக்களை தாக்கி அடிப்படையான செல்களின் தன்மையை மாற்றி அங்கு சுதந்திரமான எலெக்ட்ரான்களை (Free Electrons ) உண்டாகிவிடுகிறது.இவைகள் மேலும் பல்கி பெருகி வளரும்.

உயிரினகளின் உடல்கள் திசுக்களால் ஆனவை அல்லவா?இந்த திசுக்கள் செல்களால் ஆனவை என்றும் உங்களுக்குத்தெரியும்.செல்களில் முக்கியமாக இரண்டு வகை படும். ஒன்று உடல் செல்கள். மற்றது இன விருத்திக்கான செல்கள். இவைகள் அடிபடையில் வெவ்வேறானவை.

1. Somatic cells - உடல் செல்கள்

2. Germ cells - இனபெருக்க செல்கள்.

மனிதர்களின் உடல் செல்களில் உள்ள D N A  குரோமசோம்கள் 46  இருக்கும் ஆனால் மனித இனப்பெருக்க செல்களில் உள்ள D N A குரோமசோம்கள் 23  மட்டுமே இருக்கும் அல்லவா? தாய் மற்றும் தந்தை வழியாக 23+23 = 46  குரோமசோம்கள் பிள்ளைகளுக்கு வந்துவிடும்தானே?
 இந்த D N A  deoxyribonucleic acid,  நம்முடைய தலைமுறை பண்புகளை கொண்டுசெல்லும் கேந்திரங்கள். ஒரு தலை முறையிலிருந்து அடுத்த தலைமுறைக்கு மனித உடல் பண்புகளை எடுசெல்லும் இவைகள் கதிர்வீச்சின் விளைவால் இந்த D N A  அமைப்புகளில் அயனியாதல் மாற்றம் ஏற்பட்டு அவைகளின் பண்புகள் முற்றிலும் சிதைந்து போய்விடும். அங்கு வைக்கப்பட்ட அணைத்து தகவல்களும் சிதைத்து அதுவே மேலும் பல தலை முறைகளுக்கு கொண்டு செல்லப்படும் அவலம் நிகழும்.கதிர்வீச்சிக்கு தெரிந்தோ தெரியாமலோ ஆளான பெற்றோர்களுக்கு பிறக்கும் குழந்தைகள் சகிக்க இயலாத உடல் உறுப்பு மாற்றங்களுடன் பிறக்கும். இந்த கொடூரும் இந்த மாற்றம் தலைமுறைகளுக்கும் தொடரும்.

DNA  வை தாக்குவதை விடுங்கள், மனித உடலில் சுமார் 60% நீர்மம் தானே? இந்த நீர்மம் கதிர்வீச்சுக்கு ஆளாகி பின்னர் பல வித ரசாயன மாற்றங்கள் உடலில் நிகழ்ந்து இறுதியில் இது ஹைட்ரஜன்-பர்- ஆக்சைட் என்ற திரவமாக மாறிவிடும்.  Hydrogen - per- Oxide பற்றி நீங்களே தெரிந்து கொள்ளுங்கள் அதுதான் சரி.

தோல்பகுதிகளில் வித விதமான புற்று நோய்கள், உடல் உரோமங்கள் உதிர்ந்துவிடும்,கண்கள் குருடாதல், நுரையீரல் ,குடல்கள் வீணாகி போதல்,எலும்பு மஜ்ஜைகள் புற்று நோய் , இரத்த புற்றுநோய் என சகல பாவங்களும் நம்மை நம்மோடு அல்லாமல் நமக்கு பிறகு நம் சந்ததிகளையும் சேரும்.

ஈராக்கில் அமெரிக்க படைகளும் அவர்களின் கூட்டாளிகளும் சண்டை இட்டு பிறகு பல வருடங்கள் கழித்து திரும்பி போனார்கள் அல்லவா? அந்த கால கட்டத்தில் ஆயுதங்களால் உண்டான கதிர் வீச்சால் பாதித்து பிறந்த குழந்தைகளின் படங்கள் கீழே உள்ளன!

Radiation level rising at Fukushima nuclear plant in quake-hit Japan

இனியும் வேண்டுமா அணுஆயுதமும் அணு உலைகளும்?