அவகாடோவின் அருமையை பாருங்க!

மெக்ஸிகோ நாட்டை பிறப்பிடமாக கொண்டாலும் எல்லா இடங்களிலும் காணபடுகிறது. நம் தமிழ் நாட்டில் கூட மலை பிரதேசங்களில் விளைவதாக கூறுவார். இலங்கையில் இருந்தும் ஏற்று மதியாகிறதாம்.இப்போது சென்னையில் எல்லா பழக்கடைகளிலும், சூப்பர் மார்கெட்களிலும் கிடைக்கிறது.இந்த பழத்தின் வடிவமும் அதன் இயற்பெயரும் சற்று சுவாரஸ்யமானதுதான். ஆனால் அது இப்போது வேண்டாமே! அதையும் இங்கே எழுதினால் மகளிர் அணியினர் என்னை மொத்தி விடுவார்கள் மொத்தி!! நேரில் இதனை பார்த்தவர்களுக்கு விளக்கம் தேவை இல்லை!!:)))

ஆரோக்கியமான இதயம் வேண்டுவோர் மேலே படியுங்கள். கும்மி அடிக்க வந்தவர்கள் எல்லாம் போங்கள்  பன்னிகுட்டியின் பக்கம். இதயநோயினால் பாதிக்கபடுபவர்களின் எண்ணிக்கை நாளுக்கு நாள் உயர்ந்து கொண்டுவருவதாக அறிக்கைகள் மிரட்டுகின்றன. அது உண்மையும் கூட. வயதானவர்கள் என்று இல்லாமல் இப்போதெல்லாம் இளம் வயதினரும் இந்த சுழலில் சிக்கி தவிக்கும் அபாயம் முன்னை விட இப்போது மிக அதிகம். ஆயிரம் காரணங்கள், உணவு பழக்க வழக்கங்கள் சொல்லபட்டாலும் இன்றைய அதிவேக உலகில் இவைகள் இதன் பாதிப்பு என்னவோ அதிகம் தான்.இதயத்துக்கு இதமான, தீங்கு செய்யாத உணவு வகைகளை அறிந்து கொண்டு அவைகளை கடைபிடுப்பதும் அவசியமாகிப்போனது இன்று.

அவகாடோ பழம்: இதன் பெயர் இந்தியர்களுக்கு புதிதாக இருந்தாலும் இது இங்கும் விளைகிறது. சென்னையில் இதனை பட்டர் புரூட் (Butter Fruit) என்கின்றனர். முன்பெல்லாம் நம் ஊர் கடைகளில் இது போன்ற பழங்களை பார்க்க இயலாது.இன்று எல்ல இடங்களிலும் விற்கின்றனர். ஆரம்பத்தில் இந்த பழத்தில் கொழுப்பை உண்டாகும் காரணிகள் அதிகம் என்று கூறி இதனை ஒதுக்கி வைத்தனர். உடல் எடை வேண்டுவோர்கள் இதனை சேர்த்துக்கொண்டால் எடை கூடுகிறது என்பது அனுபவ உண்மைதான். நான் முன்னர் ஷார்ஜாவில் இருந்த பொது அங்கு சூப்பர் மார்கெட்டுகளில் இவைகளை பார்த்து "இது என்ன பழம் "வியந்ததுண்டு. பின்னர் அதன் சிறந்த பயன்களை அறிந்து கொண்டு பயன்படுத்தினேன்.

உண்மையில் அவகாடோ அதிக கொழுப்பை உடலுக்கு தருவது உண்மைதான். ஒரு சாதாரண அவகாடோ பழத்திலிருந்து சுமார் 30  கிராம் கொழுப்பு சத்து கிடைக்கிறதாம்.( குச்சி யான தேகம் உள்ளவர்கள் இனிமேல் அவகாடோ வாங்கி தின்று உடம்பை தேற்றலாம்) ஆனால் இந்த பழத்தில் கிடக்கும் கொழுப்பு மானோ சாச்சுரேட்டட் rich in monounsaturated fat  வகையை சார்ந்ந்தது .ஆனால் இந்த வகை கொழுப்புதான் நம் உடலில் சேரும் "கெட்டவகை "கொழுப்பை  LDL (bad) cholesterol குறைகிறதாம்.அதோடு "நல்ல வகை கொழுப்பின் "  raise HDL (good) cholesterol  அளவை அதிகரிக்கிறதாம். இதோடு இல்லாமல் அவகாடோ உடலில் பொட்டாசியத்தின் அளவையும் அதிகரிப்பதால் இந்த பழம் இதயத்துக்கு மிக நல்லது.மேலும் ஒரு பழத்திலிருந்து சுமார் 300  கலோரி எரி சக்தி கிடைப்பதால் இந்த பழம் சுலபமாக நம் தேவையினை பூர்த்தி செய்கிறது.  

நமக்கு அவகாடோ பழம் என்றால் அது மற்ற பழ வகைகளிப்போல இனிப்பும் மனமும் சுவையும் இருக்கும் என்று நினைக்காதீர்கள். இதனை பழக்க வைத்து சாப்பிடுவதே ஒரு வேடிக்கை. கடைகளில் கரும் பச்சை நிறத்தில் தடித்த தோலுடன் காணப்படும் இந்த பழம் பழுத்தவுடன் சற்று மிருதுவாக மாறும் அன்றி, நிறமோ, மனமோ இருக்காது. உள்ளே வெளிர் மஞ்சள் நிறத்தில் சதைபகுதி காணப்படும். அதனுள்ளே கடினமான உருண்டை வடிவில் ஒரு கொட்டை இருக்கும். அவ்வளவுதான். நாம் மாம்பழத்தை கிடை மட்டமாக கத்தியினால் சுற்றி வெட்டி பின்னர் சற்று சுழற்றி எடுத்தால் ஒரு குழிவான பகுதியும் ஒரு கொட்டை நடுவில் இருக்கும் பகுதியும் கிடைக்கும் அல்லவா? அதுபோலவே இந்த பழத்தையும் வெட்டி எடுத்து பயன் டுத்தலாம்.இதற்கென்று தனிப்பட்ட சுவை இல்லை எனவே நாம் விரும்பும் படி இதில் சுவைகளை சேர்த்துகொள்ளலாம். 

பெரும்பாலும் மற்ற நாடுகளில் இதனை அப்படியே சலாட் ஆக சாப்பிடுவதால் சமைக்க / வேக வைக்க வேண்டுவதில்லை. நான் எப்படி பயன் படுத்துவேன் என்றால் பழத்தின் உள் பகுதியில் இருக்கும் சதை கதுப்புகளை ஒரு சிறிய டீ ஸ்பூன் உதவியால் முற்றிலும் வழித்து எடுத்து விட்டு அவைகளை தட்டில் இடுவேன். அதன் மீது சிறிது மிளகுதூள்,சிறிது சீரகத்தூள் தூவினால் ரெடி. நான் உப்பு சேர்பதில்லை.அப்படியே எடுத்து சாபிட்டுவிட்டு சூடாக ஒரு டீ யை அடித்துவிட்டு காலையில் வேலைக்கு செல்வது வழக்கம்.

தேவையானால் சிறிது உப்பை தூவிக்கொள்ளலாம். இல்லையென்றால் தோலை சீவி விட்டு சிறு கியூப் துண்டுகளாக வெட்டி அப்படியே கூட சாப்பிடலாம். சர்க்கரையுடன் சேர்த்து சாப்பிடலாம். 

இரத்த அழுத்தம் உள்ளவர்களுக்கு நல்ல காலை நேர உணவாக கூட இதனை கொள்ளலாம். ஏனெனல் இதில் நார்ச்சத்தும் உள்ளதால் தான்.  மேலும் விபரம் அறிய நம்ம பன்னிகுட்டி இடம் கேளுங்கள். அது பக்கம் பக்கமாக எழுதித்தள்ளி விடும்!