புதிதாக வந்த மற்றும் கண்ணியமான பண்பான தமிழ் பதிவர்களுக்கு மட்டும்.

வருக அன்பர்களே !

ஆர்வக்கோளாரில் முதலில் எல்லோரும் ப்ளாக் ஆரம்பித்த பின்னர்  செய்வது
பார்க்கும் அத்தனை பதிவுகளையும் படித்து பின்னர்

அவைகளுக்கு பின்னூட்டம் போட்டு Followers ஆக சேர்ந்து அழகு பார்ப்பது.

இங்கு வலைதளங்களில் காணப்படும் அத்தனை பதிவுகளும்

பார்க்க வேண்டிய அவசியமோ தேவையோ இல்லை.

மேலும் பெரும்பாலான பதிவுகளில் உருப்படியாக  ஒன்றும் இல்லாமல் 

வெறும் வெறித்தனமும், ஆர்ப்பாட்டங்களும்,கூர்மையான வார்த்தைகளும் மேலும் 

கேவலமான விவரிப்புகளும் தான் இருக்கும் , அவைகளை எளிதில் 

அடையாளம் கண்கொண்டு ஒதுக்கிவிடுங்கள்.

ஒரு படம் வெளியில் வந்தால், சொல்லிவைத்தாபோல் அத்தனை 

"பிஸ்தா" பதிவர்களும் விமர்சனம் என்று இங்கு வந்து மாரடிப்பார்கள்.

அவைகள் முற்றிலும் புறக்கணிக்கலாம். தேவையானால் ஒன்று இரண்டு 

விமர்சனங்களை படிப்பதோடு நின்று விடுங்கள்.அதுவும் நீங்கள் அந்த குறிப்பிட்ட 

திரைப்படத்தை பார்க்கும் எண்ணம் இருந்தால் மட்டுமே. பின்னூட்டம்,ஓட்டு போடவேண்டாம் .

பெரிய சமுதாய சீர்திருந்த வாதிகளாக காட்டிகொண்டு இவர்கள் எழுதும் குப்பைகள் அனைத்தும் சண்டையும் சச்சரவையும் மட்டுமே கொண்டுவருகிறது என்பதால், இது போன்ற பதிவுகளையும் புறக்கணிக்கலாம். ஏனனில் இவர்கள் சீர்திருத்த வாதிகள் இல்லை ,வெறும் சண்ட பிரசண்டர்கள்.

பதிவு எழுதி சமுதாயத்தை  மாற்ற முடியும் என்று தயவு செய்து நம்பாதீர்கள்.  

இவர்கள் தாங்கள் சொல்லவந்த கருத்துக்களை எதிர்மறையாகவே சொல்லுவதால் பெருபாலும் இவர்களின் "பம்மாத்து ' எல்லாமே வேறு வெத்து வேட்டாகிவிடும் எனவே இவர்களையும் புறக்கணிக்கவேண்டும்.

உள்ளூர் சினிமாவே தெரியாத இவர்கள் தங்களை ' அறிவுஜீவிகளாக ' காட்டிகொள்ள ரொம்ப சிரமப்பட்டு வெளிநாட்டு திரை படங்களிகூட "ஆகா ,ஓகோ ' என்று அள்ளி விடுவார்கள். எல்லாம் வெறும் குப்பைகளாகவே இருக்கும். இவர்கள் பக்கமும் போய் ஆவது ஒன்றுமில்லை.

சிலர் "கதை எழுகிறேன் " "கவிதை எழுதுகிறேன் "என்ற அரிப்பின் காரணமாக் வெளியிடும் அறுவைகளை அடையாளும் கண்டு அவைகளை ஒதுக்குகுங்கள். 

இங்கு நிறைய எல்லாவகையான "புரட்சிகாரர்களும் " தம்பட்டம் அடிப்பார்கள்.. அத்தனையும் வீண் , வெறும்  சப்தங்களாகவே இருப்பதால் இவர்களை க்கண்டால்  ஓடிவிடலாம்.

எந்த வகையான மதம் ,சாதி பற்றிய பதிவுகளை நாடாதீர்கள். அவைகளை எல்லாம் உங்களை வலைபோல பிணைக்கும் இடமாகும்.

மற்றவர்கள் செய்வதையே நீங்களும் செயாதீர்கள். உதாரணமாக , நித்தியானந்த விவகாரங்கள் சூடாக வெளிவந்த போது அவைகள் டி.வி. களில் தொடர்ந்து காட்டப்பட்டு வந்தன அல்லவா? நம் முற்போக்கான  பதிவர் சிங்கங்களும் ஒருவர் பாக்கி இல்லாமல் அதே வீடியோ காட்சிகளை தங்கள் தங்கள் தளங்களில் இட்டு, கூடவே அந்த டி.வி. மீடியாக்களை சாடி, "எவ்வாறு இவைகளை குடும்பாதருடன் இருக்கும் வீடுகளில் தொடர்ந்து காட்டினார்கள் ?" ஒரே வீராப்பு .இவர்களும் அதையே தான் ரிபீட் அடித்தார்கள் என்ற சுய அறிவு இல்லாமல். சில பதிவர்களே அதே சேதிகளை வேறு கோணங்களில் எழுதினார்கள். 

தமிழ் வலைபதிவு என்பது ஆண்களுக்கான இடம் மட்டும் அல்ல. நிறைய பெண்மணிகளும் வாசகர்களாக, பதிவர்களாக உள்ளனர் என்பதை கருத்தில் கொண்டு எழுதுங்கள்.இது அணைவருக்கும் உரிமை உள்ள தளமானதால் எவரையும் 

நீங்கள் சார்ந்திருத்தல் தேவை இல்லை. 

படித்தாலும் பின்னூட்டம் போட்டுவிடாதீர்கள்.ஓட்டும் போடாதீர்கள்.

நீங்கள் ஓட்டு போடவும், பின்னூட்டம் போடவும் அல்லது 

Followers ஆக சேரவும் நிறைய நாட்கள் எடுத்து கொள்ளவேண்டும்.

சிலர் தங்களை "பெரிய "எழுத்தாளர்களாக காட்டிக்கொண்டு தலையை சுற்றி ஒளி வட்டத்தோடு "உதார்" விட்டுக்கொண்டு சுற்றுவார்கள்.இவர்களைக்கண்டு வியக்காதீர்கள். இவர்கள் அத்தனை பேரும்

வெறும் போலிகளே! சொல் ஒன்றும் செயல் வேரும்மாய் இவர்கள் இருகின்றனர். தாராளமாக அலட்சியபடுத்தலாம்.

நிறைத்த கற்பனை வளமும், சிறந்த சொல்லாட்சியும், பிறரை ஈர்க்கும் வண்ணம் அமைத்த வெளிப்பாடும் உங்களை சிறந்த எழுத்தாளர்களாக ஆக்கும் அன்றி எவர் பின்னாலும் போய் அவர்களை பூஜிப்பது அல்ல.

மேற்சொன்ன 'பிரபல" பதிவர்கள் உங்கள் பக்கம் தலைவைத்துகூட படுக்க மாட்டார்கள்.

புதியவர்களுக்கும், பிற பதிவர்களுக்கும் பின்னூட்டம் இடுவதும் ,ஓட்டு போடுவதும் அல்லது Followers  ஆக வருவதும் அவர்களுக்கு கௌரவ குறைவான அல்லது கீழான செயலாக கருதுபவர்களே !

இவர்கள் புதியவர்களை ஏறெடுத்தும் பார்க்கமாட்டார்கள்.
தீண்டாமையை பின்பற்றுவார்கள் காரணம் அவர்களுக்கு தேவையான பின்னூட்டங்களும்,ஓட்டுக்களும் ,Followers களுமாக அவர்களுக்கு
காவடி தூக்கி முதுகு சொரிய ஒரு பெரிய பட்டாளமே இருக்கிறது என்பதால்.

வெற்று ஆர்ப்பாட்டமும், அதிகாரமும், குழு அரசியலும், அடாவடித்தனமும், பகைமையும், போர் குணமும் கொண்டு ஆடிய இவர்கள் இன்று அணைவரும், லாரியின் கீழே மாட்டிய பெப்சி, கொக்க கோலா தகர டப்பாக்களாக நசுங்கி போய் மதிப்பிழந்து கிடக்கின்றனர்.

Just ignore those notorious factors.

உங்கள் கவனம் திரும்ப வேண்டிய பகுதி கீழே:

உங்களுக்கு அதிகம் பலன் தரக்கூடியதும் உபயோகமானது ஆனா தளங்கள் இங்கு நிறைய உள்ளன .அவைகளில் நிறைய புதிய அறிய தொழில் நுட்பங்களை விவரிக்கும் பதிவுகள் ஏராளம் அங்கு அதிக கவனம் செலுத்துங்கள். நிறைய

தெரிந்து கொள்ளுங்கள்.

பின்னூட்டம் இடுவதும், ஓட்டு போடுவது, Followers ஆவதும் இங்கு மட்டுமே சிறப்பனாதாகும் .சந்தேகங்களை கேட்டு நிறைவு செய்வதும் இங்கு மிக எளிது. இந்த தொழில் நுட்ப பதிவுகளை இடும் அணைவரும் சிறப்பான முறையில் உங்கள் சந்தேகங்களை நீக்க உதவி செய்வது உறுதி. 

எந்த பதிவுக்கு பின்னூட்டம் இடவேண்டும்,எந்த பதுவுக்கு ஓட்டும் போட வேண்டும், எந்த பதிவருக்கு  Followers  ஆக செல்லவேண்டும் என்பதில் கவனமாய் இருங்கள்.

ஆனாலும் நல்ல, பண்பாடு உள்ள, கண்ணியமான பதிவர்கள் நிறை இருப்பதால் அவர்கள் உங்களுக்கு உதவி செய்வதை அனுபவத்தில் உணரலாம்.

நான் இங்கு வந்து ஒருவருடமாகிறது. எல்லோரும் என் பக்கம் வரவேண்டும் என்று ஆளாய் பறப்பதில்லை, ஓட்டுக்கள் வேண்டும் என்று துடிப்பதில்லை, சில தேர்தெடுத்த பதிவர்கள் இடும் பதிவுகளும், பிற தொழில்  நுட்ப பதிவர்களும் என் வட்டமாக இருப்பதால். அவரகள் பதிவு பிடித்திருந்தால் மற்றவற்றை அவர்களே பார்த்துக்கொள்வார்கள்.இது என் சொந்த அனுபவமும் கூட.

நீங்கள் கொடுக்கும் செய்திகளில் மட்டுமே கவனமாய் இருங்கள். உங்களுக்கு தேவையானது தானாகவே உங்களை வந்து சேரும். யாரையும் அண்டி செல்லாதீர்கள் அங்கீகாரம் வேண்டி.

உங்கள் பதிவுகள் சிறப்பாய் இருக்கும் போது அவைகள் தானாகவே 

அங்கீகாரம் ஆகிவிடும். ஏனெனில் இங்கு அறிவில் சிறந்த, ஆக்கபூர்வமான சிந்தனையாளர்களும் ஏராளமாக உள்ளனர்.

எப்பொருள் யார் யார் வாய் கேட்பினும் அப்பொருள்

மெய்பொருள் காண்பதறிவு.

என்று மட்டும் கொள்ளுங்கள். 

தமிழ் வலை பதிவர் உலகம் இனியாவது அன்பும், அழகும், அமைதியும் மற்றும் அறிவும் சேர்ந்து சிறப்படையட்டும்.

இவைகள் வெறும் ஆலோசனைகள்  மட்டுமே.நீங்களாக நிறைய தெரிந்து கொள்வீர்கள்.

Be Strong and Bold. 

Nothing can Disturb your peace of mind.

நெஞ்சில் உரமும் நேர்மை திறனுமே இங்கு தேவை. 

வாழ்த்துக்கள்.

**********************************************************************************