குல்பி ஐசும் - சொறி நாய் கூட்டங்களும்!

வழக்கம் போல இரவு பத்து அல்லது பத்தரை மணிக்கு மேல் தெரு அடங்கி விடும் .நான் வெளியில் வந்து அமர்ந்துவிடுவேன். காற்று குளிர்ந்து வீச,காதுகளில் ஐ -பாட், பிளாஸ்டிக் சேரில் சாய்ந்து அமர்ந்துகொண்டு காற்றையும் பாட்டையும் அனுபவிக்க.என் பிள்ளைகளில் ஒன்று "பாம்பு பிடித்த குரங்காக" கையில் செல் போனை வைத்துக்கொண்டு SMS அனுப்பிக்கொண்டிருக்கும் தன்னையொத்த கிறுக்குகளுக்கு.

தூரத்தில் குல்பி ஐஸ் விற்கும் வண்டி வரும் போது பிள்ளை வீட்டினுள் சென்று காசை கொண்டுவந்துவிடும்.

ஐஸ் காரன் ஒவ்வொரு வீடாக முடித்துக்கொண்டு எங்களிடம் வருவான்.தெலுங்கில் செல்போனில் யாருடனோ பேசியபடி.தானாக இரண்டு குல்பிகளை எடுத்து மூங்கில் பட்டையை அதில் சொருகி தந்துவிட்டு காசை வாங்கிகொண்டு மணியை ஆட்டிக்கொண்டு நகர்வான்.

குளிரில் நிறைந்த பாலின் செழுமையும்,சர்க்கரை இனிப்பும், ஏலக்காய் மனமும் அந்த நேரத்தில் சுகமாய் இருக்கும்.இதுதான் தினமும் நடக்கும். இன்று இரவு வேறொன்றும் நடந்தது. ஐஸ் க்ரீம் காரன் நகர்ந்தவுடன் தெருவின் கடைசியிலிருந்து ஒரே நாய்களின் சப்தம் காதை துளைத்தது. ஐந்து அல்லது ஆறு நாய்கள் இருக்கும், ஒன்றுகொன்று கடித்து குதறிகொண்டு ஆக்ரோஷத்துடன் சண்டையிட்டுக்கொண்டு ஒரே க்ரூபாக ஓடி வந்து கொண்டிருந்தன.கிட்டே நெருங்க நெருங்க அவைகளின் சப்தம் தாள வில்லை. எங்களைகடந்து அந்த தெரு நாய்கள் ஓடும்போது சட சட வென அவைகள் மீது செங்கற்கள் விழ அடிபட்ட நாய்கள் திசைகொன்றாக ஓடி தொலைந்தன .

சில வீடுகள் தள்ளி வீடு கட்டும் வேலை நடப்பதால் வாசலில் நிறைய உடைந்த செங்கற்கள் குவிந்து கிடக்கும்.

நாய்களின் குறைக்கும் சப்தம் தாளாமல் அந்த வீட்டுக்காரர் தான் செங்கற்களால் அடித்து அந்த தெரு நாய்களை 

விரட்டினார்.குல்பி ஐஸை சுவைத்தபடி என் பிள்ளை கேட்டான்

" ஏன்ப்பா இந்த நாய்கள் இவ்வளவு furious ஆ சண்டை போடிகின்றன? "

" நாய்கள் அதுவும் தெரு நாய்கள் அப்படித்தான்" - நான்.

எனக்கு ஏனோ "பிஸ்த்தா "பதிவர்கள் போடும் சண்டைகள்தான் நினைவுக்கு வந்தது.சிரித்துக்கொண்டேன் .

வெறி பிடித்த சொறிநாய்கள் . அடித்து விரட்ட வேண்டும் இவைகளை .

                                                             

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^