எத தின்னா பயித்தியம் தெளியும்?

எத தின்னா பயித்தியம் தெளியும்? நடக்கும் கூத்துகளை பார்த்தால் சிரிப்பாய் சிரிக்க வைக்கிறது ஆஹா என்ன ஆட்டம் கும்மாளம் இவர்களுக்கு? தங்களை மீட்கவந்த தேவ தூதனாக எண்ணி இந்த காங்கிரஸ் காரர்கள் இந்த நான்கு நாட்களில் போட்ட ஆட்டம் தான் என்ன? ரகூல் காந்தியின் தமிழக வருகையால் எல்லாம் திடீரென்று மாறி //அடுத்து நாங்கள் தான் தமிழகத்தை ஆளப்போகிறோம் // என்ற மிதப்பில் இவர்கள் விட்ட அறிக்கைகள் என்ன ? பேசிய பேச்சுக்கள் பேட்டிகள் என்ன? பாதுகாப்பு கெடுபிடிகள் பந்தாக்கள் என்ன?? அந்தபிள்ளைக்கு ஒழுங்காக பேச, பெட்டி கொடுக்க கற்று கொடுத்து அழைத்து வந்திருக்கலாம்.தமிழக விபரங்களை தெளிவாக வாவது சொல்லிகொடுத்து பின்னர் இங்கு அழைத்து வந்து மோடி மஸ்தான் வேலைகளை செய்திருக்கலாம்.அது வந்து சென்ற பின்னர் தான் கேளிக்கை இங்கு ஆரம்பம்.

அடுத்தடுத்து வர ஆரம்பித்தன குளறு படிகள். சென்னை அண்ணா பல்கலை மாணவர் அரங்கில் அவர்களை அரசியலுக்கு கூப்பிட்டதும். தேசிய நதி நீர் இணைப்பு இயற்கைக்கு முரணானது அது கூடாது என்று வாய் மொழிந்ததும் இன்று வரிசையாக சார்சைகளாகிவிட்டன. போதாகுறைக்கு ரஜினியையும் காங்கிரஸில் சேருமாறு அந்த பிள்ளை அழைத்த விதம்.

வெள்ளையாக யாரையாவது பார்த்து விட்டால் தமிழர்கள் ஓட்டை குத்தி பதவியில் உட்கார வைத்துவிடுவார்கள் என்ற மதமதப்பு. கைக்கூலி பத்திரிக்கை நிருபர்கள் மூலம் இவர்கள் |(தமிழக காங்கிரஸ் மேதாவிகள் தான் ) அந்த பிள்ளையிடம் ரஜினியை அரசியலுக்கு, தங்கள் கட்சிக்கு வருமாறு கோரும் கேள்விகளை கேட்க வைக்க, அந்த அறியா பிள்ளையும்

// ரஜினி கிரிமினல் இல்லை. அவரும் காங்கிரஸில் சேரலாம் // என்று ரொம்பவும் பெருந்தன்மையாக சொல்லிவிட, ஆஹா எங்கள் தலைவரின் தமிழக விசிட் //வெற்றியோ வெற்றி // என்று தலைகால் புரியாமல் குதிக்க, அது சரி காங்கிரசில் உள்ளவர்கள் எல்லாம் பத்தரை மாற்று தங்கங்கள்??? உத்தம புத்திர சிகாமணிகள்??

ரஜினி நல்ல மனிதம் உள்ள ஒரு சினிமா காரர். நடிகர் என்பதையும் மீறி அவர் மீது மரியாதை உள்ளவர்கள் இங்குண்டு. ரஜினி ரசிகர்கள் மிளக்காயை தேய்த்த கடுப்பில், விஜயோ தங்கள் ஷோபா திருமண மண்டபம் பிழைத்தால் போதும் என்ற ஜூட் விட.

ரஜினியும்,விஜயும் // தங்களை விட்டால் போதும் // என்று ஓரம் கட்டிக்கொள்ள.

கிழவர் உட்கார்ந்த இடத்திலிருந்து எல்லாவற்றையும் // ஊதித்தள்ளிகொடிருக்கும் // வித்தையை நினைத்தால் சிரிக்காமல் இருக்க முடியவில்லை.

ஆப்பு பிடிங்கிய குரங்குகளாக நம் தமிழக காங்கிரஸ் மேதாவிகள்

அத்தைக்கு மீசை முளைக்கட்டும். அப்புறம் தான் // சித்தப்பா //

இங்கு அத்தையே வழி இல்லை ஏன் சித்தப்பவுக்கு ஆசை இந்த வேட்டி கிழிப்பு கூட்டங்களுக்கு?

பயித்தியம் தெளிய ஊமத்தன்காயை தின்னும் கூட்டமிது. எல்லாரும் அவரவர்கள் ஊரில் கிடைக்கும் காய்களை பார்சல் செய்து காங்கிரஸ் காரர்களுக்கு அனுப்பி வையுங்கள். புண்ணியமாய் போவும் சாமிகளா!!