நீல நிறமாக இருக்கும் இவரது கண்கள்!

Picture of wax figure of actress Elizabeth Taylor in her role as "Cleopatra" at Madame Tussuads in Hollywood, California.

உலக புகழ் பெற்ற ஹாலிவுட் நடிகை எலிசபெத் டைலர் நேற்று காலமானார்.

லண்டனில் பிறந்து அமெரிக்காவில் வாழ்தவர்.சிறுவயதுகளில் நடிப்பில் நாட்டம் உள்ள குழந்தை நட்சத்திரமாக இருந்தவர்.இவரின் அழகும் ,கவர்ச்சியும் உலக பிரபலமாகும்.இரண்டு முறை ஆஸ்கர் வென்றவர்.அமெரிக்க சினிமாவில் இவர் அளவிற்கு ஒரு தாக்கத்தை ஏற்படுத்தியவர் மர்லின் மன்றோ மட்டுமே.எலிசபெத் டைலர் அன்றைய ஆண்டுகளிலேயே (1963)ஒரு படத்திற்கு பணியாற்ற ஒரு மில்லயன் டாலர்களை சம்பளமாக வாங்கியவர்.நீல நிறமாக இருக்கும் இவரது கண்கள்.

எட்டுமுறை திருமணம் செய்துகொண்டு வாழ்கையை வாழ்ந்து பார்த்தவர். ஜோடியாக தன்னுடன் நடித்த ரிச்சர்ட் பர்டனை திருமணம் செய்துகொண்டு பல வருடங்கள் வாழ்ந்து பின்னர் விவாகரத்து செய்து பலவருடங்கள் கழித்து மீண்டும் அவரையே மணம் செய்துகொண்டார். மறுபடியும் பிரிந்தனர்.இவருடைய தனிப்பட்ட வாழ்கை மிக பரவலாக எல்லோராலும் அறியப்பட்ட ஒன்று. பின்னாளில் அமெரிக்க எய்ட்ஸ் விழிப்புணர்வு இயக்கத்தில் சேர்ந்து அதனை பிரபலமாக்கினார்.

 நான் எண்பதுகளில் படிப்பிற்கு பின்னர் சென்னையில் வேலையில் சேர்ந்தபோது அந்த புகழ் பெற்ற திரைப்படம் கிளியோ பாட்ரா மீண்டும் சபையர் தியேட்டரில் வெளிவந்தது. பின்னர் சிலவருடங்கள் கழித்து மிட்லாண்ட் தியேட்டரிலும் வெளிவந்தது. பின்னர்ரும் அது தாம்பரம் நேஷனல் தியேட்டரில் ஓடியது.  எல்லா திரையிலும் அந்த படத்தை கண்டு பிரமித்த நாட்கள் இப்போது நினைவில். தூர்தர்ஷனில் கூட முன்பெல்லாம் இவர் நடித்த பழைய சினிமாக்கள் இடம் பெரும். அப்படி பார்த்த ஒரு படம் ப்ளூ பேர்ட் -  Blue Bird.பிறவியிலேயே மிக அழகாக இருந்தாலும் நம்ம ஊர் கன்னடத்து பைங்கிளி சரோஜா தேவி போல அநியாத்துக்கு மேக்கப்பு போட்டுகொள்வார்!