ஸ்டீவி ஒன்டர் ( Stevie Wonder)

நாம் எழுதி இங்கு எதுவும் மாறிவிடப்போவது இல்லை என்று தெரிந்தாலும்,சரி, பிறருடன் பகிர்ந்து கொள்ளலாம் என்ற எண்ணத்துடன் தான் எழுதுகிறேன்.சூடாக, கோபமாக எதையாவது எழுதிவிட்டு மண்டை காய்வதை சற்று தள்ளிவைக்கலாம்.

ஸ்டீவி ஒன்டர் ( Stevie Wonder) என்ற பாப் இசை பாடகரின் ஆல்பங்கள் உங்களுள் பலருக்கு தெரிந்திருக்கலாம்.1985 ஆம் வருடம் என்று நினைவு,  சென்னை தூர்தர்ஷன் ஒளி பரப்பு வண்ணத்திற்கு மாறியது. முதன் முதலில் டி.வி. (கலர் ) வாங்கியதும் அப்போதுதான். அப்போதெல்லாம் தமிழ் நிகழ்சிகளின் நேரம் மிகவும் குறைவாக இருக்கும். மற்ற நேரங்களில் டெல்லி நிகழ்ச்சிகள் தான் அதிகம் வரும். வேறு வழி இன்றி அதையே பார்க்கும் போது அதனால் நிறைய நல்ல இந்தி சீரியல்கள், இந்தி மற்றும் ஆங்கில படங்கள் என்ற அறிமுகமாகியது.

ஒருநாள் இரவில் ஐரோப்பாவில் அந்த வருடம்  நிகழ்ந்த கிராமி அவார்ட் நிகழ்ச்சியை காட்டினார்கள். இசை உலகில் விற்பன்னர்களுக்கு ஐரோப்பாவில் கிராமி அவார்ட் வாங்குவது என்பதே உச்ச கட்ட நோக்கம். அன்று அந்த விழாவில் ஸ்டீவி ஒன்டர் பெயர் அறிவிக்கப்பட்டு, பெருத்த ஆரவாரங்களுக்கு இடையே அவர் இந்த புகழ் பெற்ற பாடலைத்தான் பாடி மகிழ்வித்தார். அப்போதுதான் எனக்கு ஸ்டீவி ஒன்டர் பாடல்கள் அறிமுகம் ஆயின. Woman in Red என்ற ஆல்பத்தில் பிற பாடல்களுடன் இந்த அருமையான பாடலும் இருக்கும். 

காதல் உணர்விற்கும்,பிரிவிற்கும், பருவ காலங்களின் மாறு பாடுகளுக்கும் நிறைய தொடர்பு உண்டு போலும். இந்த பாடல் அதைத்தான் எனக்கு உணர்த்தியது.அமைதியான இசையும் பாடல் வரிகளும் நம்மை கண் மூடி கிறங்க வைக்கும்.நீங்களும் தான் அதனை அனுபவித்து சற்று ரிலாஸ் செய்துகொள்ளுங்களேன். 

I JUST CALLED TO SAY I LOVE YOU!